ភ្នំពេញ៖ សហភាពសហព័ន្ធយុវជនកម្ពុជា (ស.ស.យ.ក) សហការជាមួយ វិទ្យាស្ថានជាតិកសិកម្មព្រែកលៀប ផ្តល់អាហារូបករណ៍ ១០០% សម្រាប់ថ្នាក់បរិញ្ញាបត្រ ១៥កន្លែង និងថ្នាក់បរិញ្ញាបត្ររង ចំនួន ១៥កន្លែង ដល់សិស្សានុសិស្ស និស្សិត និងយុវជន ដែលមានបំណងក្នុងការបន្តការសិក្សា និងអភិវឌ្ឍសមត្ថភាពបន្ថែមលើជំនាញឯកទេស ចំនួន១២។
ជំនាញដែល ស.ស.យ.ក ផ្ដល់អាហារូបករណ៍១០០% រួមមាន ជីវបច្ចេកវិទ្យា និងសេណទិករុក្ខជាតិ សាកវប្បកម្ម វិទ្យាសាស្ត្រព្រៃឈើ/រុក្ខកម្ម ជលផល វិទ្យាសាស្ត្របរិស្ថាន វេជ្ជសាស្ត្រសត្វ/បសុព្យាបាល ផ្សព្វផ្សាយកសិកម្ម និងអភិវឌ្ឍន៍ជនបទ សេដ្ឋកិច្ចនយោបាយកសិកម្ម និងស្បៀង សេដ្ឋកិច្ច និងធុរកិច្ចកសិកម្ម វិទ្យាសាស្ត្រកែច្នៃអាហារ អាហារូបត្ថម្ភ និងសុខភាព និង ព័ត៌មានវិទ្យាកសិកម្ម និងវិស្វកម្មកសិកម្ម។
១ លក្ខខណ្ឌនៃការជ្រើសរើស
-បេក្ខជនដែលមានជីវភាពខ្វះខាត
-បេក្ខជនត្រូវមានសញ្ញាបត្រមធ្យមសិក្សាទុតិយភូមិ (Bac II) ឬឯកសារបញ្ជាក់ដែលមានតម្លៃស្មើសម្រាប់ ការសិក្សាថ្នាក់បរិញ្ញាបត
-បេក្ខជនត្រូវមានលិខិតបញ្ជាក់ធ្លាក់ ឬសញ្ញាបត្រមធ្យមសិក្សាទុតិយភូមិ (Bac II) ឬឯកសារបញ្ជាក់ ដែលមានតម្លៃស្មើ សម្រាប់ការសិក្សាថ្នាក់បរិញ្ញាបត្ររង
-បេក្ខជនត្រូវឆ្លងកាត់ការប្រកួតប្រជែងជ្រើសរើស ដែលរៀបចំដោយក្រុមការងារកម្មវិធីសាបព្រោះគ្រាប់ពូជ នៃសហភាពសហព័ន្ធយុវជនកម្ពុជា រាជធានីភ្នំពេញ។
២កាលបរិច្ឆេទនៃការទទួលពាក្យ
-បេក្ខជនត្រូវស្នើសុំ និងបំពេញទម្រង់បែបបទស្នើសុំអាហារូបករណ៍ ចាប់ពីថ្ងៃជូនដំណឹងនេះរហូតដល់
ថ្ងៃទី១៣ ខែមករា ឆ្នាំ២០២៣ ជាកំហិត។
៣ សំណុំលិខិតដែលត្រូវភ្ជាប់ស្នើសុំអាហារូបករណ៍
-ពាក្យសុំអាហារូបករណ៍ ចំនួន ០១ ច្បាប់
-បង្កាន់ដៃទទួលពាក្យស្នើសុំអាហារូបករណ៍ ចំនួន ០១ ច្បាប់
-ជីវប្រវត្តិសង្ខេបដែលមានបិតរូបថតថ្មី (៤x៦) ចំនួន ០១ ច្បាប់
-បេក្ខជនត្រូវមានសញ្ញាបត្រមធ្យមសិក្សាទុតិយភូមិ (Bac II) ឬឯកសារបញ្ជាក់ដែលមានតម្លៃស្មើ ចំនួន ០១ ច្បាប់
-ថតចម្លងអត្តសញ្ញាណប័ណ្ណ ឬសេចក្តីចម្លងសំបុត្រកំណើត/សំបុតបញ្ជាក់កំណើត ចំនួន ០១ ច្បាប់
-រូបថតថ្មីទំហំ (៤x៦ ស.ម) ថតពីមុខ គ្មានវ៉ែនតា និងមានផ្ទៃខាងក្រោយពណ៌ស ចំនួន ០៣ សន្លឹក។
ដើម្បីចូលរួមការទប់ស្កាត់ការរីករាលដាលនៃជំងឺកូវីដ-១៩ បេក្ខជន ដែលមានចំណាប់អារម្មណ៍ សូមទាញយកសំណុំឯកសារស្នើសុំអាហារូបករណ៍របស់ ស.ស.យ.ក. រាជធានីភ្នំពេញ តាមរយៈតំណភ្ជាប់៖ https://bit.ly/3C1gNuI ដើម្បីបំពេញ រួច Upload ឯកសារនេះតាមរយៈតំណភ្ជាប់៖ https://forms.gle/XR2Tk8JYsX98XC8c8។ ព័ត៌មានលំអិតសូមទំនាក់ទំនងតាមទូរស័ព្ទលេខ ០១៦ ៨៣១ ៣៩៧៕
