ក្រសួងធនធានទឹក៖ អាចនឹងមានភ្លៀងធ្លាក់នៅថ្ងៃទី៥-៧មករា

ភ្នំពេញ៖ ក្រសួងធនធានទឹក នៅថ្ងៃនេះបានចេញសេចក្តីជូនដំណឹងថា នៅថ្ងៃទី៥-៧ ខែមករា នឹងអាចមានភ្លៀងធ្លាក់នៅក្នុងកម្រិតខ្សោយទៅមធ្យមដោយអន្លើ នៅក្នុងតំបន់ទំនាបកណ្តាល តំបន់ខ្ពង់រាប និងតំបន់មាត់សមុទ្រ។

បើតាមសេចក្តីជូនដំណឹងបានបញ្ជាក់ថា កម្ពុជានឹងទទួលឥទ្ធិពលពីជ្រលងសម្ពាធទាបសកម្មពីភាគខាងក្រោមនៃសមុទ្រចិនខាងត្បូង។ ពីថ្ងៃទី៨-១០ ខែមករា ទទួលឥទ្ធិពលពីទ្រនុងសម្ពាធខ្ពស់ (ចិន) និងខ្យល់មូសុងឦសានក្នុងកម្រិត ពីខ្សោយទៅមធ្យម ។