«ព្យុះព្រិលកំបុតត្បូង»សម្លាប់មនុស្សជាង៦០នាក់នៅទូទាំងសហរដ្ឋអាម៉េរិក

អាម៉េរិក៖ ចំនួនអ្នកស្លាប់នៅក្នុងទីក្រុង Buffalo នៃទីក្រុងញូវយ៉ក បានកើនឡើងដល់ ២៨ នាក់ហើយ ដោយមនុស្សរាប់ពាន់នាក់នៅតែគ្មានថាមពល ចំពេលមានព្យុះរដូវរងា ដែលបានវាយលុកអាម៉េរិកខាងជើងនៅទូទាំងសហរដ្ឋអាម៉េរិក ដោយក្នុងនោះយ៉ាងហោចណាស់មនុស្ស ៦២ នាក់បានស្លាប់នៅក្នុងឧប្បត្តិហេតុទាក់ទងនឹងអាកាសធាតុ។

ព្យុះរដូវរងាក៏បានបង្ខំឱ្យលុបចោលជើងហោះហើររាប់ពាន់ជើង រួមទាំងប្រហែល ៤,៨០០ នៅព្រឹកថ្ងៃអង្គារម្សិលមិញនេះ។ អ្នកដំណើររាប់ពាន់នាក់ត្រូវបានទុកចោលនៅអាកាសយានដ្ឋានទូទាំងប្រទេស។ឥឡូវនេះ ស្ថានភាពត្រូវបានគេរំពឹងថានឹងប្រសើរឡើង ដោយមានការធ្លាក់ព្រិលតិចតួចបំផុតនៅថ្ងៃអង្គារ និងអាកាសធាតុក្តៅបន្តិចនៅតាមផ្លូវ។

នៅក្នុងសន្និសីទសារព័ត៌មានមួយកាលពីថ្ងៃអង្គារ មន្ត្រី នៃទីក្រុងញូវយ៉ក ដែលរួមមាន Buffalo បាននិយាយថាចំនួនអ្នកស្លាប់ត្រូវបានគេរំពឹងថានឹងកើនឡើងនៅពេលដែលប្រតិបត្តិការស្វែងរក និងជួយសង្គ្រោះនៅតែបន្ត។ អ្នកស្លាប់ទាំង២៨នាក់ត្រូវបានគេបញ្ជាក់ថាសុទ្ធតែនៅក្នុងក្រុង Buffalo ។ អភិបាលក្រុង Buffalo លោក Byron Brown បាននិយាយថា ចំនួនអ្នកស្លាប់និងបាត់ខ្លួនកំពុងតែបន្តរិករកបន្ថែម។

បន្ថែមពីនេះមនុស្សជាង ៤,០០០ នាក់នៅក្នុងតំបន់នេះនៅតែគ្មានថាមពលបន្ទាប់ពីព្យុះដែលលោក Brown បាននិយាយថា "ប្រហែលជា" ឆ្នាំដល់អាក្រក់បំផុតសម្រាប់ប្រជាជនអាម៉េរិកដែលកំពុងតែរងគ្រោះដោយសារតែព្យុះកំបុតត្បូងព្រិលនេះ៕