អាកាសធាតុនឹងបន្តចុះត្រជាក់ក្នុងកម្រិតបង្គួរ ចាប់ពីស្អែក ដល់ថ្ងៃទី២៧ធ្នូ

ភ្នំពេញ៖ ក្រសួងធនធានទឹក នៅថ្ងៃនេះបានចេញសេចក្តីជូនដំណឹងស្តីពីស្ថានភាពអាកាសធាតុ នៅក្នុងមួយសប្តាហ៍ខាងមុខនេះ ប្រទេសកម្ពុជាបន្តទទួលឥទ្ធិពលពីទ្រនុងនៃសម្ពាធខ្ពស់(ចិន) និងខ្យល់មូសុងឦសាន្តក្នុងកម្រិតមធ្យម ដែលនឹងធ្វើឲ្យអាកាសធាតុបន្តចុះត្រជាក់ក្នុងកម្រិតបង្គួរ ចាប់ពីថ្ងៃទី២១-២៧ធ្នូ។

ស្ថានភាពបែបនេះនឹងធ្វើឲ្យ ៖

១-តំបន់ទំនាបកណ្តាល

- សីតុណ្ហភាពអប្បបរមា មានពី ១៨-២០ °C - សីតុណ្ហភាពអតិបរមា មានពី ២៩-៣១ °C - អាកាសធាតុចុះត្រជាក់ក្នុងកម្រិតបង្គួរ ។

២-តំបន់ខ្ពង់រាប

- សីតុណ្ហភាពអប្បបរមា មានពី ១៦-១៨ °C - សីតុណ្ហភាពអតិបរមា មានពី ២៨-៣០ C

- អាកាសធាតុចុះត្រជាក់ក្នុងកម្រិតបង្គួរ ។ ខេត្តមណ្ឌលគិរី រតនគិរី ព្រះវិហារ និងខេត្តឧត្តរមានជ័យ សីតុណ្ហភាពអប្បបរមា មានក្នុងរង្វង់ ១៧-១៨ C ។

៣-តំបន់មាត់សមុទ្រ ៖

- សីតុណ្ហភាពអប្បបរមា មានពី ១៩-២១ °C - សីតុណ្ហភាពអតិបរមា មានពី ២៩-៣១ °C - អាកាសធាតុចុះត្រជាក់ក្នុងកម្រិតមធ្យម ។