Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Website cc time banner  1800 x 300px

រដ្ឋមន្ត្រីក្រសួងកសិកម្ម៖"បើយើងជាធនធានមនុស្សល្អ មិនខ្វះទេអ្នកត្រូវការយើង"

យុវជន
/
អ្នកយកព័ត៌មាន:
ស៊ីស៊ីថាមស៍
/
រដ្ឋមន្ត្រីក្រសួងកសិកម្ម លោក ឌិត ទីណា​

ភ្នំពេញ៖ រដ្ឋមន្ត្រីក្រសួងកសិកម្ម លោក ឌិត ទីណា​ នៅថ្ងៃទី ១ ធ្នូ បានជួបសំណេះសំណាលជាមួយ​ សាស្ត្រាចារ្យ​ លោកគ្រូ អ្នកគ្រូ និងក្មួយៗនិស្សិតនៃសាកលវិទ្យាល័យភូមិន្ទកសិកម្ម។ក្នុងជំនួបសំណេះសំណាលនោះ រដ្ឋមន្ត្រីក្រសួងកសិកម្ម ផ្ញើ​សារ៣ចំណុចសំខាន់ៗ​ ជូនសាស្ត្រាចារ្យ​ លោកគ្រូ អ្នកគ្រូ និងក្មួយៗនិស្សិត និង បានបញ្ជាក់ថា "បើយើងជាធនធានមនុស្សល្អ មិនខ្វះទេអ្នកត្រូវការយើង"។

សារ៣ចំណុចត្រូវបានរដ្ឋមន្ត្រីក្រសួងកសិកម្មថ្មី បានលើកឡើងថា ១. សាកលវិទ្យាល័យ​ គឺជាកន្លែងផ្តល់កិត្តិយស កិត្តិស័ព្ទ​ មោទនភាព និងទំនុកចិត្ត​ ដល់សាស្ត្រាចារ្យ​ និង​និស្សិត។ កេរ្តិ៍ឈ្មោះល្អ​ កើតចេញពី ការខិតខំចូលរួមកសាងទាំងអស់គ្នា​ឥតឈប់ឈរ​។ សាកលវិទ្យាល័យយើងមានប្រវត្តិយូរមកហើយក៏មានកិត្តិនាមល្អបានបណ្ដុះបណ្ដាលថ្នាក់ដឹងនាំវិស័យកសិកម្មជាច្រើន ដូច្នេះ​ យើងត្រូវបន្តកសាងនិងថែរក្សាកេរ្តិ៍ឈ្មោះនេះ។

២. សាស្ត្រាចារ្យ​ គឺជាអ្នកផ្តល់ចំណេះដឹង​ និងបណ្តុះបណ្តាលធនធានមនុស្ស​។ កាលណាធនធានមនុស្សយេីងខ្លាំង​ នោះយេីងអាចបង្កេីត​ស្នាដៃ​ និងអភិវឌ្ឍប្រទេសបានគ្រប់វិស័យ​ រួមទាំងកសិកម្មផងដែរ។ លោកគ្រូ អ្នកគ្រូ​ គឺជាអ្នក​ចាក់​សោរបេីកទ្វារឱ្យសិស្សគ្រប់រូបបានចូលចាប់យកចំណេះដឹង​ ហេីយនៅពេលបានឃើញសិស្សជោគជ័យ កំលាំងចិត្តពីមោទកភាពរបស់លោកគ្រូ អ្នកគ្រូគឺជារង្វាន់ដ៏ធំបំផុត។

៣. និស្សិតត្រូវមានគោលដៅជីវិត​ច្បាស់លាស់ និងតស៊ូប្រឹងប្រែងដេីម្បីភាពជោគជ័យនៅក្នុងជីវិត។ គ្មានអ្នកណាអាចទទួលខុសត្រូវលេីអនាគតរបស់យេីងជាងយើងខ្លួនឯងនោះទេ។ យើងត្រូវមានផែនការជាក់លាក់ ត្រូវធ្វើការងារតូចតាចឱ្យបានសម្រេចនិងឱ្យកាន់តែបានល្អ។ បើយើងជាធនធានមនុស្សល្អ មិនខ្វះទេអ្នកត្រូវការយើង។

ផ្ទាំងពាណិជ្ជកម្ម
Img 9694
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង