សាកលវិទ្យាល័យខេមតិច រៀបចំកម្មវិធីទស្សនកិច្ចសិក្សា ផ្តល់ការប្រឹក្សាលើការជ្រើសរើស មុខជំនាញនៅឧត្តមសិក្សា

ភ្នំពេញ៖ សាកលវិទ្យាល័យខេមតិចបានរៀបចំកម្មវិធី ទស្សនកិច្ចសិក្សា (Open House) នៅថ្ងៃទី២៨ ខែតុលា ឆ្នាំ២០២២។ កម្មវិធីនេះមានគោលបំណង ផ្តល់ការប្រឹក្សាយោបល់លើការជ្រើសរើស មុខជំនាញនៅឧត្តមសិក្សាដល់សិស្សានុសិស្សកំពុងសិក្សានៅវិទ្យាល័យ ដើម្បីជំរុញអោយពួកគាត់ត្រៀមលក្ខណៈសម្រាប់ការសិក្សានៅឧត្តមសិក្សា។

នៅក្នុងកម្មវិធីនេះផងដែរសិស្សានុសិស្សថ្នាក់ទី១២អាចទស្សនាស្វែងយល់ផ្ទាល់អំពីសម្ភាររូបវ័ន្តសិក្សានិងកម្មវិធីសិក្សារបស់សាកលវិទ្យាល័យខេមតិចការប្រឹក្សាយោបល់លើការជ្រើសរើសមុខជំនាញសិក្សាដែលឆ្លើយតបទៅនឹងតម្រូវការទីផ្សារការងារនាពេលបច្ចុប្បន្ននិងអនាគត។

បន្ថែមពីនេះ នេះជាការស្វែងយល់អំពីកម្មវិធី សិក្សាក៏ដូចជាទស្សនាបរិវេណ សាកលវិទ្យាល័យខេមតិចផងដែរជាមួយការតាំងបង្ហាញពីគម្រោងហាត់ការនិសិ្សតនិងមុខជំនាញ។កម្មវិធីនេះផ្តល់នូវបទពិសោធន៍ថ្មីដ៏សំខាន់ ដល់លោកគ្រូ អ្នកគ្រូ ជាពិសេសប្អូនៗ និងចូលរួមកំសាន្តសប្បាយក្នុង សកម្មភាពផ្សេងៗ។