ភ្នំពេញ៖ ក្រសួងអប់រំ បានដាក់តាំងបង្ហាញស្នាដៃគំនូរកុមារចំនួន១៣៨ផ្ទាំង ដែលជ្រើសរើសចេញពីចំណោម ១៥០៧ផ្ទាំង នឹងត្រូវតាំងបង្ហាញជាសាធារណៈ ចាប់ពីថ្ងៃទី២៤ តុលា រហូតដល់ថ្ងៃទី០១ វិច្ឆិកា នៅលើតារាងបាល់បោះ ក្នុងបរិវេណវិទ្យាល័យព្រះស៊ីសុវត្ថិ។ ព្រឹត្តិការណ៍ការនេះ រៀបចំដើម្បីលើកកម្ពស់ការ យល់ដឹងជាសាធារណៈ អំពីគន្លងថ្មីឆ្ពោះទៅកាន់ការអប់រំឌីជីថល និងការលើកកម្ពស់ការអប់រំវិទ្យាសាស្រ្ត និងបច្ចេកវិទ្យា។
ព្រឹត្តិការណ៍ការប្រកួតស្នាដៃគំនូរកុមារ ធ្វើឡើងក្រោមប្រធានបទ «ការអប់រំឌីជីថល វិទ្យាសាស្ត្រនិងបច្ចេកវិទ្យា និងកិច្ចសហប្រតិបត្តិការអាស៊ាន» ដោយមានការចូលរួមពីសិស្សានុសិស្សនៅគ្រឹះស្ថានបឋមសិក្សាសាធារណៈ និងឯកជនទាំងអស់ចំនួន១២៦៥។ ក្នុងនោះដែរ ស្នាដៃគំនូរ១៣៨ផ្ទាំង ត្រូវបានជ្រើសរើសចេញពីចំណោម ១៥០៧ឆ្នាំង នឹងត្រូវតាំងបង្ហាញជាសាធារណៈ ចាប់ពីថ្ងៃទី២៤ តុលា រហូតដល់ថ្ងៃទី០១ វិច្ឆិកា នៅលើតារាងបាល់បោះ ក្នុងបរិវេណវិទ្យាល័យព្រះស៊ីសុវត្ថិ។
តាមរយៈប្រធានបទទាំង៣នៃស្នាដៃផ្ទាំងគំនូរនេះ សិស្សានុសិស្សបានបង្ហាញពីការបោះជំហានទៅមុខយ៉ាងលឿននៃ បរិវត្តកម្មឌីជីថលនៅក្នុងការអប់រំ បំណងប្រាថ្នានៅក្នុងការទទួលបាន និងការចូលរួមក្នុងវិស័យវិទ្យាសាស្រ្តនិងបច្ចេកវិទ្យា និងក្នុងភាពជាប្រធានអាស៊ាននៅឆ្នាំ២០២២៕
