ភ្នំពេញ៖ កម្មវិធីជជែកដេញដោលយុវជនអាស៊ាន ឆ្នាំ២០២២ នៅថ្ងៃទី១២ តុលា ដែលប្រព្រឹត្តទៅ២០២២ នៅមជ្ឈមណ្ឌលម៉ានី (អគារ Kampus ) បានឈានដល់វគ្គផ្ដាច់ព្រ័ត្រ ហើយលទ្ធផលនៃការប្រកួត នឹងត្រូវបានប្រកាសនៅល្ងាចថ្ងៃទី១៣ តុលា នេះ។ កម្មវិធីនេះ បានរៀបចំឡើងចាប់តាំងពីខែសីហាដល់ខែតុលា ដែលមានយុវជនមកពីបណ្ដាប្រទេសទាំង១០ ជាសមាជិកអាស៊ានចូលរួម ។
កម្មវិធីជជែកដេញដោលយុវជនអាស៊ាន ឆ្នាំ២០២២ បានរៀបចំឡើងចាប់តាំងពីខែសីហា ដែលមានយុវជនមកពីបណ្ដាប្រទេសទាំង១០ ជាសមាជិកអាស៊ានចូលរួម និងបានធ្វើការជម្រុះតាំងពីជុំទី១ រហូតដល់វគ្គផ្ដាច់ព្រ័ត្រ។ នៅថ្ងៃទី១២ តុលា នេះ ជាវគ្គផ្ដាច់ព្រ័ត្រនៃកម្មវិធីជជែកដេញដោលយុវជនអាស៊ាន ឆ្នាំ២០២២ រវាងក្រុមយុវជនមកពីប្រទេសម៉ាឡេស៊ី និងក្រុមយុវជនមកពីប្រទេសកម្ពុជា ប្រកួតលើប្រធានបទ «ការបង្កើនការវិនិយោគផ្ទាល់ពីបរទេស នឹងដោះស្រាយបញ្ហាកង្វះសារធាតុចិញ្ជឹម»។ លទ្ធផលនៃការប្រកួត នឹងត្រូវបានប្រកាសនៅល្ងាចថ្ងៃទី១៣ តុលា នេះ។
សូមបញ្ជាក់ថា កម្មវិធីជជែកដេញដោលយុវជនអាស៊ាន ឆ្នាំ២០២២ គឺជាព្រឹត្តិការណ៍អមមួយ ក្នុងកិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ានលើកទី ២៨៕
