មជ្ឈមណ្ឌលមួយនៅភ្នំពេញ បើកបង្រៀនភាសាអង់គ្លេស ចិន ថៃ និងកុំព្យូទ័រឥតគិតថ្លៃ

ភ្នំពេញ៖ មជ្ឈមណ្ឌលបណ្តុះបណ្តាលជំនាញ (Skills Training Center) បានបើកវគ្គសិក្សាថ្មី សម្រាប់ថ្នាក់ភាសាអង់គ្លេស ចិន ថៃ និងថ្នាក់ជំនាញការិយាល័យ ហើយវគ្គសិក្សាថ្មីនេះ ចាប់ផ្ដើមនៅថ្ងៃទី១០ តុលា ខាងមុខនេះ។

តាមការបង្ហោះនៅលើហ្វេសប៊ុកផេកផ្លូវការរបស់មជ្ឈមណ្ឌលបណ្តុះបណ្តាលជំនាញ បានឱ្យដឹងថា ពេលនេះមជ្ឈមណ្ឌលកំពុងបើកវគ្គសិក្សាថ្មីដោយឥតគិតថ្លៃ ទៅលើថ្នាក់សិក្សាភាសាអង់គ្លេស ភាសាចិន ភាសាថៃ និងថ្នាក់ជំនាញការិយាល័យ ដែលចាប់ផ្តើមនៅថ្ងៃទី១០ តុលា ខាងមុខនេះ។

ការចុះឈ្មោះធ្វើឡើងដោយផ្ទាល់នៅមជ្ឃមណ្ឌលបណ្ដុះបណ្ដាលជំនាញ ដែលមានទីតាំងស្ថិតនៅផ្សារទំនើបស្ទឹងមានជ័យថ្មី ជាន់ផ្ទាល់ដីខាងកើតផ្សារ ចាប់ពីថ្ងៃផ្សាយដំណឹងនេះតទៅ៕