ភ្នំពេញ៖ កីឡាករកូនកាត់ ខ្មែរ-អាម៉េរិក Nick Taylor នៅថ្ងៃទី ២៩ កញ្ញានេះ បានមកកាន់ស្ថានទូតអាម៉េរិក នៅភ្នំពេញ និង បានជួបលោកឯកអគ្គរដ្ឋទូត Murphy ពិភាក្សាពីពេលវេលារបស់លោកក្នុងប្រទេសកម្ពុជា និងអាជីពកីឡាដ៏គួរឱ្យចាប់អារម្មណ៍មួយនេះ។
ក្នុងជំនួបនោះ លោកថែមទាំងបានជួបជាមួយក្រុមកីឡាកររបស់ស្ថានទូតអាមេរិក និង ទទួលបានកាដូ ជាអាវកីឡាផងដែរ។
គួរបញ្ជាក់ថា សហព័ន្ធកីឡាបាល់ទាត់កម្ពុជា បានកោះហៅកីឡាករកូនកាត់ ខ្មែរអាម៉េរិក Nick Taylor ដែលក្របកអាជីបនៅលីកបាល់ទាត់នៅ អាម៉េរិក ក្នុងក្លិប Orlando City SC នៃលីកទី៣ មកចូលរួមក្រុមជំរើសជាតិកម្ពុជា សម្រាប់ការប្រកួតមិត្តភាពជាក្រុមជម្រើសជាតិបង់ក្លាដែស នាពេលកន្លងទៅ។
