.png?1741682398)
ម៉ាឡេស៊ី៖ ទូតម៉ាឡេស៊ីប្រចាំនៅកម្ពុជា បានថ្លែងចាត់ទុកប្រទេសកម្ពុជា ជាតំបន់គោលដៅទេសចរណ៍ ប្រកបដោយសុវត្តិភាព និងប្រាប់ឱ្យពលរដ្ឋខ្លួនកុំបារម្ភហួសហេតុពេកពេលទៅប្រទេសកម្ពុជា។ការអះអាងរបស់ទូតម៉ាឡេស៊ីនេះ ធ្វើឡើងក្រោយពីមានករណីមួយចំនួន បានកើតឡើងពាក់ព័ន្ធការបង្ខាំងមនុស្ស និង ឆបោកដោយក្រុមខុសច្បាប់ជាដើម។
ក្នុងបទសម្ភាសន៍ជាមួយសារព័ត៌មាន "Sin Chew Daily"នៅម៉ាឡេស៊ី លោក ELDEEN HUSAINI HOHD HASHIM ឯកអគ្គរដ្ឋទូតប្រទេសម៉ាឡេស៊ី ប្រចាំនៅកម្ពុជា បានគូសបញ្ជាក់ថា ជាមួយការកើនឡើងនៃព័ត៌មានការឆបោកជួញដូរមនុស្សក៏មានពាក្យចចាមអារ៉ាមថាមនុស្សមួយចំនួនត្រូវបានចាប់ជំរិត និង បង្ខំឲ្យឆបោកដោយក្រុមខុសច្បាប់នៅ កម្ពុជា។តែនៅពេលក្រុមការងារជួយសង្គ្រោះ ពួកគេទាំងអស់ចាញ់បោកក្រុមខុសច្បាប់ តាមរយៈការផ្សាយជ្រើសរើសបុគ្គលិកមកកម្ពុជា និង ត្រូវបានបង្ខំឱ្យធ្វើការឆបោក។
បើតាមលោក Eldeen HusainiMohd Hashim ជនរងគ្រោះទាំងអស់ត្រូវបានជាប់នៅក្នុងប្រទេសកម្ពុជាដោយសារការចាញ់បោកការងារ។តែគ្មាននរណាម្នាក់ក្នុងចំណោមពួកគេត្រូវបានគេចាប់ពង្រត់នៅលើផ្លូវ និង បង្ខំឱ្យក្លាយជា "ជនរងគ្រោះ" ទេ នៅពេលការធ្វើដំណើរទេសចរណ៍ទៅទីនោះ ។
ទូតម៉ាឡេស៊ីប្រចាំនៅកម្ពុជារូបនេះ ជឿជាក់ថា ទោះបីជាករណី “លក់មនុស្ស” មានការរំខានមួយរយៈមកនេះ ប៉ុន្តែលោកជឿថា រឿងនេះនឹងមិនប៉ះពាល់ដល់ប្រជាជនម៉ាឡេស៊ី ដែលជ្រើសរើសប្រទេសកម្ពុជាជាគោលដៅទេសចរណ៍នោះទេ។សម្រាប់លោកទូតចាប់តាំងពីបើកច្រកព្រំដែនវិស័យឧស្សាហកម្មទេសចរណ៍រវាងម៉ាឡេស៊ី និងកម្ពុជា ចំនួនភ្ញៀវទេសចរក៏កើនឡើងជាលំដាប់។
គួរបញ្ជាក់ថា បច្ចុប្បន្ននេះប្រជាជនម៉ាឡេស៊ីចំនួន ៥០០០ នាក់ កំពុងធ្វើការ និង រស់នៅក្នុងប្រទេសកម្ពុជា។ស្ថានទូតម៉ាឡេស៊ី អះអាងថា ពលរដ្ឋខ្លួនរស់នៅរប្រកបដោយសេចក្តីសុខ និង សុវត្ថភាព ដូច្នេះកុំបារម្ភពេក ពេលទៅប្រទេសកម្ពុជា។នេះបើតាមការបញ្ជាក់បន្ថែមពីលោក Eldeen HusainiMohd Hashim៕
.png?1744178821)
