Eqm5 on ads news
Photo 2022 10 27 15.04.39
Photo 2022 10 27 10.25.28
Jetour
Cct 01
Website cc time banner

ផ្លូវក្រាលកៅស៊ូ តភ្ជាប់ពីស្រុករលាប្អៀរដល់ស្រុកកំពង់ត្រឡាច បើកការដ្ឋានសាងសង់ថ្ងៃនេះ

ព័ត៌មានជាតិ
/
អ្នកយកព័ត៌មាន:
ជួន រស្មី
/
រូបភាព៖ រដ្ឋបាលខេត្តកំពង់ឆ្នាំង

កំពង់ឆ្នាំង៖ ផ្លូវក្រាលកៅស៊ូពីរជាន់ប្រភេទ (DBST) ១ខ្សែ ប្រវែង ១១គីឡូម៉ែត្រ និងមានទទឹង ៧ម៉ែត្រ តភ្ជាប់ពីភូមិទឹកចេញ ឃុំជើងគ្រាវ ស្រុករលាប្អៀរ ទៅដល់ភូមិស្រែសារ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង បានបើកការដ្ឋានសាងសង់ នៅថ្ងៃទី២៥ សីហា ដោយចំណាយទឹកប្រាក់ចំនួន ១ ៥៥១ ០៦៣,២៨ ដុល្លារអាមេរិក។

ផ្លូវក្រាលកៅស៊ូពីរជាន់នេះ សាងសង់ឡើង ក្រោមជំនួយហិរញ្ញប្បទានសហប្រតិបត្តិការ នៃគម្រោងពង្រឹងសមត្ថភាពផលិតភាពជនបទ ហៅកាត់ថា (NRRPCP) ដែលគាំទ្រដោយធនាគារវិនិយោគហេដ្ឋារចនាសម្ព័ន្ធអាស៊ី (AIIB)។

បើតាមប្រសាសន៍ ឯកឧត្ដម អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ បានឱ្យដឹងថា ផ្លូវនេះគ្រោងសាងសង់រយៈពេល ១២ខែ ដោយគិតចាប់ពីថ្ងៃបើកការដ្ឋាននេះ រហូតដល់ដំណាច់ខែមិថុនា ឆ្នាំ២០២៣ ដោយទទួលសាងសង់ដោយក្រុមហ៊ុន HENG SAMBAT Co.LTD , Import Export Transportation and Construction ក្នុងទឹកប្រាក់ចំនួន ១ ៥៥១ ០៦៣,២៨ ដុល្លារអាមេរិក។

គួរបញ្ជាក់ថា នៅលើកំណាត់ផ្លូវនេះ ស្ថាបនាលូប្រអប់ ៣កន្លែង លូមូលកាត់ទទឹងផ្លូវ ២៧កន្លែង លូមូលកាត់ផ្លូវបំបែក ២៧កន្លែង បំពាក់ស្លាកសញ្ញាចរាចរណ៍ ៧៨កន្លែង មានគំនូសតាមអ័ក្សផ្លូវ គំនូសឆ្លងកាត់ ១កន្លែង៕


ផ្ទាំងពាណិជ្ជកម្ម
Img 4048
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង