Foton on ads news final
Cct850x100 1
Cc time 1800 x 300
San house

ចិនចាត់ទុកវត្តមានលោក Wang Yi នៅកម្ពុជាជាការពង្រឹងមិត្តភាពកម្ពុជា-ចិនបន្ថែមទៀត

ព័ត៌មានជាតិ
/
អ្នកយកព័ត៌មាន:
ជួន រស្មី
/
លោក Wang Yi ទីប្រឹក្សារដ្ឋ និងជារដ្ឋមន្ត្រីការបរទេសចិន

ចិន៖ អ្នកនាំពាក្យក្រសួងការបរទេសចិន លោកស្រី Hua Chunying បាននិយាយនៅថ្ងៃទី០២ សីហានេះថា ដំណើរទស្សនកិច្ចរបស់ លោក Wang Yi ទីប្រឹក្សារដ្ឋ និងជារដ្ឋមន្ត្រីការបរទេសចិន មកកាន់កម្ពុជានឹងមិនត្រឹមតែពង្រឹងចំណងមិត្តភាពជាប្រពៃណីរវាងប្រទេសទាំងពីរប៉ុណ្ណោះទេ ប៉ុន្តែថែមទាំងរួមចំណែកដល់សន្តិភាព ស្ថិរភាព និងវិបុលភាពក្នុងតំបន់ផងដែរ។

បើតាមអ្នកនាំពាក្យលោកស្រី Hua Chunying បានឱ្យដឹងថា លោក Wang Yi រដ្ឋមន្ត្រីការបរទេសចិន នឹងចូលរួមកិច្ចប្រជុំរដ្ឋមន្ត្រីការបរទេសជាបន្តបន្ទាប់ស្តីពីកិច្ចសហប្រតិបត្តិការអាស៊ីបូព៌ាដែលនឹងប្រព្រឹត្តទៅនៅទីក្រុងភ្នំពេញ នៅថ្ងៃពុធដល់ថ្ងៃសុក្រ។

លោក Wang Yi នឹងជួបពិភាក្សាការងារជាមួយឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស ស្តីពីទំនាក់ទំនងទ្វេភាគី កិច្ចសហប្រតិបត្តិការក្នុងតំបន់ និងបញ្ហាអន្តរជាតិ និងតំបន់ដែលមានការព្រួយបារម្ភរួម។

ដំណើរទស្សនកិច្ចរបស់លោក Wang Yi មកកាន់ប្រទេសកម្ពុជា នឹងរឹតចំណងមិត្តភាពជាប្រពៃណីរវាងប្រទេសទាំងពីរបន្ថែមទៀត និងជំរុញកិច្ចសហប្រតិបត្តិការយុទ្ធសាស្ត្រគ្រប់ជ្រុងជ្រោយទ្វេភាគី ឱ្យទទួលបានលទ្ធផលជាផ្លែផ្កាបន្ថែមទៀត។ លទ្ធផលនៃកិច្ចសហប្រតិបត្តិការនឹងនាំមកនូវផលប្រយោជន៍កាន់តែច្រើនដល់ប្រជាជនទាំងពីរ និងរួមចំណែកដល់សន្តិភាព ស្ថិរភាព និងវិបុលភាពក្នុងតំបន់៕

Khcct banner

អត្ថបទទាក់ទង