សាធារណរដ្ឋគូបាផ្ដល់អាហារូបករណ៍ ថ្នាក់វេជ្ជបណ្ឌិតវេជ្ជសាស្ត្រ ដល់និស្សិតខ្មែរ

ភ្នំពេញ៖ ក្រសួងអប់រំ បានជូនដំណឹងស្ដីពី សាធារណរដ្ឋគូបា ផ្ដល់អាហារូបករណ៍ ថ្នាក់វេជ្ជបណ្ឌិតវេជ្ជសាស្ត្រ (Doctor of Medicine) ដល់និស្សិតកម្ពុជា សម្រាប់ឆ្នាំសិក្សា ២០២២-២០២៣។ ការដាក់ពាក្យអាហារូបករណ៍នេះ នឹងផុតកំណត់នៅថ្ងៃទី១៤ កក្កដា ខាងមុខនេះ។

បេក្ខជនដែលមានចំណាប់អារម្មណ៍ ដាក់ពាក្យសូមទំនាក់ទំនង នៅការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ ដែលមានអាសយដ្ឋាន៖ អគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ (ខាងកើតស្ថានីយទូរទស្សន៍អប្សរាប្រហែល ៥០ម៉ែត្រ)៕