សត្វក្រៀល០៧ក្បាល ត្រូវបានរកឃើញនៅតំបន់ព្រៃលំផាត់

រតនគិរី៖ BirdLife International Cambodia Programme បានសរសេរនៅលើហ្វេសប៊ុករបស់ខ្លួននៅថ្ងៃទីទី២៤មិថុនានេះ ថា សត្វក្រៀលចំនួន៧ក្បាល ត្រូវបានកត់ត្រា ក្រោយធ្វើជំរឿនសត្វក្រៀលនៅដែនជម្រកសត្វព្រៃលំផាត់នាថ្ងៃទី៣០ ខែឧសភា ឆ្នាំ២០២២។

លទ្ធផលនេះបង្ហាញថាដែនជម្រកសត្វព្រៃលំផាត់ ដើរតួយ៉ាងសំខាន់ក្នុងការគាំទ្រដល់សត្វក្រៀលដែលជាសត្វរងគ្រោះឈានទៅផុតពូជនៅរដូវពងកូន។ ជាទូទៅចាប់ពីខែឧសភាសត្វក្រៀលបំលាស់ទីពីទីតាំងរកចំណីនារដូវមិនបន្តពូជទៅតំបន់ពងកូនក្នុងខែត្រព្រះវិហារ រតនគិរី ជាដើម៕