ភ្នំពេញ៖ គណៈកម្មាជាតិរៀបចំការបោះឆ្នោត (គ.ជ.ប) នាថ្ងៃទី២៦ មិថុនា វេលាម៉ោង ១:០០នាទី រសៀល នឹងចេញផ្សាយលទ្ធផលផ្លូវការនៃការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នៅតាមបណ្ដាញសង្គមចំនួន ០៧។
គណៈកម្មាជាតិរៀបចំការបោះឆ្នោត នឹងផ្សាយលទ្ធផលផ្លូវការនៃការបោះឆ្នោតអាណត្តិទី៥ តាមរយៈ ទូរទស្សន៍ និង វិទ្យុជាតិកម្ពុជា ទីភ្នាក់ងារសារព័ត៌មានកម្ពុជា គេហទំព័រ គ.ជ.ប ហ្វេសប៊ុក YouTube និងកម្មវិធីទូរស័ព្ទដៃ (NEC KH និង CamNEC News)។
គួរបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ បានប្រព្រឹត្តទៅនាថ្ងៃទី០៥ មិថុនា ឆ្នាំ២០២២៕
