ស្ទឹងត្រែង៖ ត្រីបបែលយក្សទឹកសាប ទម្ងន់ ៣០០គីឡូក្រាម ត្រូវបានអ្នកនេសាទនៅខេត្តស្ទឹងត្រែង ចាប់បានដោយសន្ទូច នៅតំបន់ជនបទនៃទន្លេមេគង្គ។ ជាសំណាងល្អ អ្នកនេសាទបានទាក់ទងក្រុមការងារគម្រោងអច្ឆរិយភាពនៃទន្លេមេគង្គ ហើយក៏បានបង្កើតជាចលនានៃការព្យាយាមបំពាក់ឧបករណ៍ទទួលសញ្ញាសូរស័ព្ទជាលើកដំបូង លើត្រីបបែលយក្សទឹកសាបនេះ។
បើតាមការចុះផ្សាយរបស់គម្រោងអច្ឆរិយភាពនៃទន្លេមេគង្គ (Wonders of the Mekong) សម្រាប់ត្រីទឹកសាបដ៏ធំបំផុត មិនធ្លាប់មាននៅលើផែនដី ត្រូវបានបំបែកកំណត់ត្រាពិភពលោក។ កាលពីក្នុងខែកន្លងទៅ ក្រុមការងារគម្រោងអច្ឆរិយភាពនៃទន្លេមេគង្គ រួមជាមួយនឹង FISHBIO ក្រុមអេកូយុវទូត រដ្ឋបាលជលផលកម្ពុជា និងក្រុមការងារផ្សេងទៀត បានដាក់ពង្រាយបណ្តាញឧបករណ៍ទទួលសូរស័ព្ទ នៅក្នុងអាងទន្លេមេគង្គកម្ពុជា។ បណ្តាញថ្មីនេះ នឹងអនុញ្ញាតឱ្យអ្នកវិទ្យាសាស្ត្រសង្កេតមើលប្រភេទត្រីដ៏កម្រនេះ និងស្វែងយល់អំពីចលនា និងឥរិយាបថរបស់វា។
ក្រុមការងាររបស់គម្រោងអច្ឆរិយភាពនៃទន្លេមេគង្គ រួមជាមួយនឹងអ្នកវិទ្យាសាស្ត្រជលផលផ្សេងទៀត បានរកឃើញ បំពាក់ឧបករណ៍ទទួលសញ្ញា និងព្រលែងត្រីបបែលយក្សទឹកសាបដ៏ធំបំផុត ក្នុងកំណត់ត្រា ដោយសុវត្ថិភាព! ជួបជាមួយត្រីបបែលយក្សទន្លេមេគង្គញី ទម្ងន់ ៣០០គីឡូក្រាម ដែលបង្កើតកំណត់ត្រាថ្មីមួយ និងដោយក្តីស្រឡាញ់ ហើយបានដាក់ឈ្មោះវាថា «បូណ៌មី» ព្រោះក្រុមការងារ បានលែងវាចូលទៅក្នុងទន្លេមេគង្គវិញទៅថ្ងៃពេញបូណ៌មី៕
