សម្តេច ហ៊ុន សែន៖ប្រាក់បៀវត្ស«គ្រូបង្រៀននិងគ្រូពេទ្យ»នឹងដំឡើង១លានកន្លះនៅឆ្នាំ២០២២

ភ្នំពេញ៖ សម្តេច ហ៊ុន សែន ប្រកាស«ដំឡើងប្រាក់បៀវត្ស»គ្រូបង្រៀននិងគ្រូពេទ្យ ឲ្យបានទាបបំផុត១លាន ៥សែន នៅឆ្នាំ២០២២នេះ។ សម្តេចថ្លែងបែបនេះក្នុងពិធីបិទ និងប្រគល់សញ្ញាបត្រក្នុងវគ្គបណ្ដុះបណ្ដាលឆ្នាំ២០២០ ២០២១ និងបើកវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាលជាង២ពាន់នាក់ នៅថ្ងៃនេះ។

សម្តេច ហ៊ុន សែន នាយករដ្ឋមន្រ្តីកម្ពុជា បានប្រកាសថា ការដំឡើងនូវប្រាក់បៀវត្សជូនដល់មន្ត្រីរាជការ គ្រូបង្រៀន និងគ្រូពេទ្យ បន្ទាប់ពីខកខានដំឡើងប្រាក់បៀវត្សរយៈពេល២ឆ្នាំ។ សម្តេចបានថ្លែងថា ការដំឡើងប្រាក់បៀវត្សនេះមិនគិតជាភាគរយទេ គឺសម្រាប់អ្នកមានប្រាក់បៀវត្សតិចឡើងច្រើន ហើយអ្នកមានប្រាក់បៀវត្សច្រើនឡើងតិច៕