តួកគី៖ ប្រព័ន្ធផ្សព្វផ្សាយតួកគីបានរាយការណ៍នៅថ្ងៃទី២ ថា ប្រធានាធិបតីតួកគីលោក Recep Tayyip Erdogan បានផ្លាស់ប្តូរស្ថានទូតតួកគីនៅក្នុងប្រទេសទាំងពីរ ដោយសារមានភាពខុសគ្នាខ្លាំងជាមួយហ្វាំងឡង់ និងស៊ុយអែត ជុំវិញការចូលជាសមាជិករបស់ប្រទេសទាំងពីរជាមួយណាតូ។
កាសែត "Official Gazette" របស់ប្រទេសតួកគីបានរាយការណ៍ថា លោក Erdogan បានតែងតាំងឯកអគ្គរដ្ឋទូតថ្មីប្រចាំប្រទេស និងតំបន់ចំនួន ២៥។ ក្នុងចំណោមនោះ លោក Deniz Chakar មន្ត្រីទទួលបន្ទុកផ្នែកផ្សព្វផ្សាយអន្តរជាតិ និងកិច្ចការវប្បធម៌ ត្រូវបានតែងតាំងជាឯកអគ្គរដ្ឋទូតប្រចាំប្រទេសហ្វាំងឡង់ ហើយលោក Jan Tezer មន្ត្រីទទួលបន្ទុកកិច្ចការនយោបាយទ្វេភាគីក្នុងក្រសួងការបរទេស ត្រូវបានតែងតាំងជាឯកអគ្គរដ្ឋទូតប្រចាំប្រទេសស៊ុយអែត។
បន្ទាប់ពីរុស្ស៊ីបានបើកប្រតិបត្តិការយោធាពិសេសប្រឆាំងនឹងអ៊ុយក្រែនកាលពីថ្ងៃទី ២៤ ខែកុម្ភៈមក ធ្វើឲ្យប្រទេសហ្វាំងឡង់ និងស៊ុយអែត ដែលបានអនុវត្តគោលនយោបាយអព្យាក្រឹតភាពយោធាជាយូរមកហើយបានផ្លាស់ប្តូរ ដោយកាលពីថ្ងៃទី១៨ ខែឧសភា ប្រទេសទាំងពីរ បានដាក់ពាក្យចូលជាសមាជិក ណាតូ ដែលទាមទារការយល់ព្រមជាឯកច្ឆ័ន្ទពីសមាជិកណាតូទាំងអស់។
ក្នុងនាមជាសមាជិកនៃអង្គការណាតូ តួកគីប្រឆាំងនឹងស៊ុយអែត និងហ្វាំងឡង់ ដោយសារប្រទេសទាំងពីរនេះ គាំទ្រ PKK និង "ចលនាGülen" ដែលតួកគីជឿថា ជាក្រុមភេរវករ។
ដើម្បីឱ្យភាគីតួកគីផ្លាស់ប្តូរគំនិត ស៊ុយអែត និងហ្វាំងឡង់ បានបញ្ជូនគណៈប្រតិភូកាលពីចុងខែមុន ដើម្បីធ្វើការពិគ្រោះយោបល់ជុំទីមួយជាមួយមន្ត្រីតួកគីនៅទីក្រុងអង់ការ៉ា រដ្ឋធានីនៃប្រទេសតួកគី ប៉ុន្តែមានការរីកចម្រើនតិចតួច។
លោក Erdogan បាននិយាយនាពេលថ្មីៗនេះថា ប្រទេសតួកគីនៅតែប្រឆាំងយ៉ាងម៉ឺងម៉ាត់ចំពោះការចូលរួមរបស់ស៊ុយអែត និងហ្វាំងឡង់ជាមួយណាតូ។ លោកបានបន្តថា ដរាបណាលោកកាន់តំណែង តួកគីនឹងគាំទ្រឲ្យប្រទេសទាំងពីរចូលជាសមាជិកណាតូឡើយ៕
