ថៃរំពឹងថានឹងទទួលបានភ្ញៀវទេសចរបរទេសពី៧ទៅ១០លាននាក់នៅឆ្នាំនេះ

បាងកក៖ រដ្ឋមន្ត្រីក្រសួងទេសចរណ៍បាននិយាយនាថ្ងៃព្រហស្បតិ៍នេះថា ប្រទេសថៃរំពឹងថានឹងទទួលបានភ្ញៀវទេសចរបរទេសពី ៧ ទៅ ១០ លាននាក់នៅឆ្នាំនេះ បន្ទាប់ពីមានការបន្ធូរបន្ថយការរឹតបន្តឹងលើការធ្វើដំណើរដោយសារតែកូវីដ១៩ ការលើកឡើងនេះបន្ទាប់ពីប្រទេសថៃបានបើដំណើរការប្រទេសឡើងវិញទាំស្រុងឡើងវិញក្រោយកូវីដ១៩មានសភាពធូស្បើយ។ នេះបើយោងតាមការចុះផ្សាយរបស់កាសែតថៃបាងកកប៉ុស្តិ៍។

លោក Phiphat Ratchakitprakarn បានប្រាប់សភាក្នុងអំឡុងពេលពិភាក្សាដេញដោលអំពីច្បាប់ថវិកាក្នុងរយៈពេល ៥ ខែដំបូងក្នុងឆ្នាំនេះថា ប្រទេសថៃបានស្វាគមន៍ភ្ញៀវទេសចរបរទេសចំនួន ១,៣១ លាននាក់៕