ចិន៖ នាយករដ្ឋមន្រ្តីចិន លោក លី ខឺឈាង នៅថ្ងៃទី ២៨ ខែឧសភា បានថ្លែងថា ការកាត់ផ្តាច់ទំនាក់ទំនងរវាងចិន និងអាមេរិក គឺគ្មានផលប្រយោជន៍អ្វី ចំពោះភាគីណាមួយនោះទេ ហើយក៏នឹងបង្កផលប៉ះពាល់ដល់ពិភពលោកទៀតផង។
ក្នុងសន្និសីទសារព័ត៌មានជាតិ និង អន្តរជាតិ លោកលី ខឺឈាង នាយករដ្ឋមន្រ្តីចិន បានថ្លែងថា ការកាត់ផ្តាច់ទំនាក់ទំនងរវាងចិននិងអាមេរិកដែលជាអង្គភាពសេដ្ឋកិច្ចសំខាន់ទាំងពីរ វាគ្មានផលប្រយោជន៍ចំពោះភាគីទាំងណាមួយនោះទេ ហើយក៏នឹងបង្កផលប៉ះពាល់ដល់ពិភពលោកទៀតផង។ភាគីទាំងពីរគួរតែអនុលោមតាមគំនិតឯកភាពរួមរបស់ប្រមុខរដ្ឋប្រទេសទាំងពីរខិតខំជំរុញឱ្យបង្កើតទំនាក់ទំនងរវាងចិននិងអាមេរិកដែលចាត់ទុកកិច្ចសម្របសម្រួល កិច្ចសហប្រតិបត្តិការនិងស្ថិរភាពជាមូលដ្ឋាន។
លោកលីខឺឈាងបានគូសបញ្ជាក់ថា ភាគីទាំងពីរចិននិងអាមេរិកសុទ្ធតែទទួលបានផលប្រយោជន៍ពីកិច្ចសហប្រតិបត្តិការខាងសេដ្ឋកិច្ចទ្វេភាគី។ កិច្ចសហប្រតិបត្តិការខាងពាណិជ្ជកម្មរវាងចិននិងអាមេរិកគួរគោរពតាមច្បាប់ពាណិជ្ជកម្ម។ លោកបានចង្អុលបង្ហាញថា ដោយមកពីរបបសង្គម វប្បធម៌ប្រពៃណីនិងបរិបទប្រវត្តិសាស្រ្តមិនដូចគ្នា បានជាការខ្វែងគំនិតគ្នារវាងចិននិងអាមេរិកគឺមិនអាចចៀសវាងបានទេ។ ដូចនេះ ភាគីទាំងពីរត្រូវពង្រីកផលប្រយោជន៍រួមតាមពុទ្ធិរបស់ខ្លួន គ្រប់គ្រងឱ្យបានល្អនូវការខ្វែងគំនិត ត្រូវគោរពនិងការយកចិត្តទុកដាក់សំខាន់របស់គូភាគី ដើម្បីស្វែងរកកិច្ចសហប្រតិបត្តិការឈ្នះ-ឈ្នះ៕
.PNG?1728899441)
