ភ្នំពេញ៖ សាកលវិទ្យាល័យខេមតិចបានរៀបចំសិក្ខាសាលាស្តីពីប្រឹក្សាយោបល់លើការជ្រើសរើសមុខជំនាញនៅឧត្តមសិក្សា និងការតម្រង់ទិសអាជីពនាពេលអនាគតនៅសាលារៀនសុវណ្ណភូមិ សាខាទេពផន រាជធានីភ្នំពេញ កាលពីថ្ងៃទី២០ ខែ ឧសភា ឆ្នាំ ២០២២។
គោលបំណងសំខាន់ក្នុងសិក្ខាសាលានេះគឺលើកកម្ពស់ការយល់ដឹងរបស់ប្អូនៗសិស្សានុសិស្សនៅកម្រិតមធ្យមសិក្សាទុតិយភូមិលើការជ្រើសរើសមុខជំនាញឱ្យបានសមស្របនឹង ឧបនិស្ស័យ ទេពកោសល្យ តម្រូវការទីផ្សារការងារ និងជំរុញការត្រៀមលក្ខណៈសម្រាប់ការសិក្សានៅឧត្តមសិក្សា។
នៅក្នុងសិក្ខាសាលានេះ លោកគ្រូ អ្នកគ្រូដែលបានអញ្ជើញចូលរួមនៅក្នុងសិក្ខាសាលានេះ មានចំនួនសរុបប្រមាណជាង២៦០នាក់មកពីសាលារៀនសុវណ្ណភូមិសាខាបាក់ទូក សាលារៀនសុវណ្ណភូមិសាខាទួលគោក និងសាលារៀនសុវណ្ណភូមិសាខាទេពផន៕
