ព្រះសីហនុ៖ ព័ត៌មានបឋមបានឱ្យដឹងថា មានមនុស្ស៤នាក់បានស្លាប់ និងម្នាក់ទៀតរងរបួសធ្ងន់ ក្នុងហេតុការណ៍ដាច់ខ្សែយោងជណ្តើរយន្ត នៅអាគារខ្ពស់កំពុងសាងសង់មួយកន្លែង ក្នុងសង្កាត់លេខ៣ ក្រុងព្រះសីហនុ។ហេតុការណ៍នេះ បានកើតឡើងវេលាម៉ោងប្រហែល៨ព្រឹកថ្ងៃទី ២០ ឧសភា ២០២២។
យោងតាមប្រភពពីអាជ្ញាធរ បានអះអាងថា ជនរងគ្រោះស្លាប់បាត់បង់ជីវិតគឺសុទ្ធតែជាជនជាតិខ្មែរដែលបំពេញការងារជាកម្មករសំណងក្នុងអាគារដោយ២នាក់ភេទប្រុស ស្រុកកំណើត ក្រុងព្រះសីហនុ និង ២នាក់ទៀត មានស្រុកកំណើតនៅ ខេត្តឧត្តមានជ័យ និង ខេត្តតាកែវ ។ចំណែកអ្នករងរបួសឈ្មោះ ហេង សីហា អាយុ២៨ឆ្នាំ មានស្រុកកំណើតខេត្តកំពង់ឆ្នាំង ។
យោងតាមប្រភពព័ត៌មានបានឲ្យដឹងថា ជនរងគ្រោះបានដាច់ជណ្តើរយន្តនៅជាន់ទី១៤ ហើយធ្លាក់មកដីបណ្តាលឲ្យស្លាប់៣នាក់ភ្លាមៗ និងរបួសដេកដួលពេញកន្លែងកើតហេតុ។ បច្ចុប្បន្នសមត្ថកិច្ចខេត្តព្រះសីហនុកំពុងបន្តស្រាវជ្រាវបន្ថែមតាមនិតិវិធី៕
ប្រភពរូបភាព៖ Huy Bunleng News
![](https://cdn.cc-times.com/kh.cc-times.com/media/21374/large/280662249_552914952904863_2532442847774373143_n.jpg?1653014320)
![](https://cdn.cc-times.com/kh.cc-times.com/media/21377/large/281164827_552914882904870_6217212604803879286_n.jpg?1653014321)
![](https://cdn.cc-times.com/kh.cc-times.com/media/21375/large/281386134_552915046238187_6162003256172509033_n.jpg?1653014320)
![](https://cdn.cc-times.com/kh.cc-times.com/media/21376/large/281663091_552914969571528_911840206158778917_n.jpg?1653014321)
![](https://cdn.cc-times.com/kh.cc-times.com/media/21378/large/photo_2022-05-20_08-59-09.jpg?1653014328)