ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប.) នាថ្ងៃទី១៩ ឧសភា បានចេញសេចក្ដីប្រកាសព័ត៌មានមួយស្ដីពីការស្នើសុំរបស់ គ.ជ.ប. ទៅដល់ក្រុមហ៊ុន សហគ្រាស រោងចក្រ សណ្ឋាគារ ភោជនីយដ្ឋាន និងគ្រឹះស្ថាន ទាំងអស់ក្នុងប្រទេសកម្ពុជា ដើម្បីសម្រួលដល់ការឈប់សម្រាករបស់បុគ្គលិក ក្នុងការធ្វើដំណើរទៅមក ដើម្បីបោះឆ្នោតនៅថ្ងៃទី០៥ មិថុនា ខាងមុខនេះ។
គួរបញ្ជាក់ថា ការបោះឆ្នោតដែលប្រព្រឹត្តទៅនៅថ្ងៃអាទិត្យ ទី០៥ ខែមិថុនា ខាងមុខនេះ ជាការបោះឆ្នោតជ្រើសរើសក្រុមប្រឹក្សាឃុំ អាណត្តិទី៥ ឆ្នាំ២០២២៕
