រដ្ឋសភាកម្ពុជា ចេញសេចក្តីថ្លែងការណ៍សម្តែងការខកចិត្តជាខ្លាំង ចំពោះសេចក្តីសម្រេចរបស់សភាអឺរ៉ុប

ភ្នំពេញ៖ រដ្ឋសភាកម្ពុជា បានសម្តែងនូវការខកចិត្តជាខ្លាំង ចំពោះសេចក្តីសម្រេចរបស់សភាអឺរ៉ុបស្តីពី «ការបង្រ្កាបជាបន្តបន្ទាប់ទៅលើក្រុមអ្នកនយោបាយប្រឆាំងនៅកម្ពុជា» ដែលបានអនុម័តនៅថ្ងៃទី០៥ ខែឧសភា ឆ្នាំ២០២២ (២០២២/២៦៥៨(RSP)) និងបានប្រកាសច្រានចោលសេចក្តីសម្រេចនេះទាំងស្រុង។ នេះបើតាមសេចក្តីថ្លែងការណ៍របស់រដ្ឋសភានៃព្រះរាជាណាចក្រកម្ពុជាកាលពីថ្ងៃទី០៩ឧសភា។