Yearendyearend1140x150

វៀតណាមគ្រោងបម្លែងអាកាសយានដ្ឋានយោធាទៅជាយានដ្ឋានស៊ីវិល

អន្តរជាតិ
/
អ្នកយកព័ត៌មាន:
កូ រដ្ឋា
/
យន្តហោះយោធានៅអាកាសយានដ្ឋាន Bien Hoa ក្នុងទីក្រុង Dong Nai

ហូជីមិញ៖ រដ្ឋាភិបាលវៀតណាមកំពុងគិតពីការប្រើប្រាស់អាកាសយានដ្ឋានចំនួនពីរនៅក្នុងខេត្ត Dong Nai និង Ninh Thuan ដោយបម្លែងពីអាកាសយានដ្ឋានសម្រាប់យោធាទៅជាយានដ្ឋានស៊ីវិល។

នាយករដ្ឋមន្ត្រី Pham Minh Chinh បានបង្កើតក្រុមមួយ ដែលរួមមានក្រសួង និងអាជ្ញាធរមូលដ្ឋានមួយចំនួន ដឹកនាំដោយឧបនាយករដ្ឋមន្ត្រី Le Van Thanh ដើម្បីពិនិត្យមើលលទ្ធភាពនៃការប្រើប្រាស់អាកាសយានដ្ឋាន Bien Hoa នៅភាគខាងត្បូង Dong Nai និងព្រលានយន្តហោះ Thanh Son នៅកណ្តាល Ninh Thuan សម្រាប់ ទាំងគោលបំណងយោធា និងស៊ីវិល។ សំណើលើបញ្ហានេះត្រូវបានគេរំពឹងថានឹងត្រូវបញ្ចប់មុនខែកញ្ញា។

ដោយឡែកសំណើប្រើប្រាស់អាកាសយានដ្ឋាន Bien Hoa និង Thanh Son សម្រាប់គោលបំណងស៊ីវិលបានធ្វើឡើងនាពេលកន្លងមក ដើម្បីគាំទ្រដល់ការអភិវឌ្ឍន៍សេដ្ឋកិច្ចសង្គមក្នុងតំបន់ ជាពិសេសសម្រាប់តំបន់ Ninh Thuan ដែលបានក្លាយជាគោលដៅទេសចរណ៍ដ៏ពេញនិយម។ ខេត្តនេះអាចទទួលបានភ្ញៀវទេសចរប្រហែលប្រាំលាននាក់ក្នុងមួយឆ្នាំ វាត្រូវបានប៉ាន់ប្រមាណថាបង្ហាញពីឱកាសដ៏ល្អសម្រាប់ឧស្សាហកម្មអាកាសចរណ៍ដោយបច្ចុប្បន្នវៀតណាមមានអាកាសយានដ្ឋានស៊ីវិលចំនួន ២២។

គួរបញ្ជាក់ថា អាកាសយានដ្ឋានទាំងពីរត្រូវបានសាងសង់មុនឆ្នាំ ១៩៧៥ ហើយត្រូវបានប្រើប្រាស់សម្រាប់គោលបំណងយោធាជាច្រើនឆ្នាំ។ Dong Nai និង Ninh Thuan មិនមានអាកាសយានដ្ឋានស៊ីវិលទេ ខណៈអាកាសយានដ្ឋានអន្តរជាតិ Long Thanh ដែលកំពុងសាងសង់នៅទីក្រុង Dong Nai គ្រោងនឹងចាប់ផ្តើមដំណើរការនៅឆ្នាំ ២០២៥៕

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង