អង់គ្លេស៖ ផ្សារទំនើបនៃខ្សែសង្វាក់សំខាន់ៗក្នុងចក្រភពអង់គ្លេសកាលពីថ្ងៃសៅរ៍ បានចាប់ផ្តើមកំណត់ លើការទិញប្រេងចម្អិនអាហារ ខណៈដែលជម្លោះរុស្ស៊ី-អ៊ុយក្រែនដែលកំពុងបន្ថែមបញ្ហាដល់ខ្សែសង្វាក់ផ្គត់ផ្គង់ពិភពលោក។
បណ្តាញផ្សារទំនើបធំមួយរបស់ចក្រភពអង់គ្លេស Tesco គឺអនុញ្ញាតឱ្យមានប្រេងចម្អិនអាហារតែ ៣ មុខប៉ុណ្ណោះក្នុងមួយអតិថិជន ខណៈដែល Waitrose និង Morrisons កំណត់ការទិញត្រឹមពីរមុខទំនិញ។
ភាគច្រើននៃប្រេងផ្កាឈូករ័ត្នដែលលក់ក្នុងផ្សារទំនើបរបស់ចក្រភពអង់គ្លេស គឺមកពីប្រទេសអ៊ុយក្រែន។ កង្វះការផ្គត់ផ្គង់ប្រេងផ្កាឈូករ័ត្នដោយសារតែវិបត្តិអ៊ុយក្រែនបានបណ្តាលឱ្យតម្រូវការប្រេងចម្អិនអាហារផ្សេងទៀតកើនឡើងខ្ពស់រួមទាំងប្រេងអូលីវ និងប្រេង rapeseed ។
ការថយចុះនៃការផ្គត់ផ្គង់ក៏នាំឱ្យតម្លៃប្រេងផ្កាឈូករ័ត្នកើនឡើងផងដែរ។ នៅចក្រភពអង់គ្លេស តម្លៃប្រេងផ្កាឈូករ័ត្នបានកើនឡើងដល់ ១,៨០០ ផោនក្នុងមួយតោនក្នុងខែមីនាពី ១,១៣០ ផោនក្នុងមួយតោនក្នុងខែកុម្ភៈ កើនឡើងជិត ៦០ ភាគរយ។
នេះក៏បានជះឥទ្ធិពលលើតម្លៃប្រេងអូលីវ និងប្រេងឆៅផងដែរ ដោយសារភោជនីយដ្ឋាន និងអ្នកផលិតបានងាកមកប្រើប្រភេទប្រេងទាំងនេះជំនួសវិញ៕
