ហ្គាហ្សា៖ អ៊ីស្រាអែលបានធ្វើការវាយប្រហារតាមអាកាសនៅតំបន់កណ្តាល ហ្គាហ្សា នៅថ្ងៃព្រហស្បតិ៍នេះ បន្ទាប់ពីគ្រាប់រ៉ុក្កែតដែលបានបាញ់ចេញពីទឹកដីប៉ាឡេស្ទីនបានធ្លាក់ក្នុងទឹកដីអ៊ីស្រាអែល។
បើតាមសាក្សីបាននិយាយថា ជុំរំហ្វឹកហាត់ចំនួនពីរត្រូវបានប្រើប្រាស់ដោយក្រុមហាម៉ាស ដែលជាក្រុមអ៊ីស្លាមនិយម ដែលគ្រប់គ្រងតំបន់ដែលបិទផ្លូវ ហើយគ្មានអ្នកស្លាប់ និងរបួសត្រូវបានរាយការណ៍ឡើយ។យោធាអ៊ីស្រាអែលបាននិយាយនៅក្នុងសេចក្តីថ្លែងការណ៍មួយថា យន្តហោះចម្បាំងអ៊ីស្រាអែលបានវាយប្រហារប៉ុស្តិ៍សន្តិសុខ និងផ្នែកមួយនៃទីតាំងក្រោមដីដែលប្រើសម្រាប់ផលិតម៉ាស៊ីនរ៉ុក្កែត។ប៉ូលិសបាននិយាយថា មុននេះ គ្រាប់រ៉ុក្កែតដែលបាញ់ចេញពីតំបន់ហ្គាហ្សា បានវាយប្រហារភាគខាងត្បូងប្រទេសអ៊ីស្រាអែល បណ្តាលឱ្យខូចខាតផ្ទះមួយខ្នង ប៉ុន្តែមិនមានអ្នករងរបួសនោះទេ។ គ្មានបក្សពួកណាមួយអះអាងទទួលខុសត្រូវចំពោះការវាយប្រហារលើកទីពីរក្នុងរយៈពេលប៉ុន្មានថ្ងៃនេះឡើយ។
ជាមួយគ្នានេះដែរការកើនឡើងនៃអំពើហឹង្សានៅក្នុងអ៊ីស្រាអែល និងទឹកដីប៉ាឡេស្ទីនដែលកាន់កាប់បានបង្កើនការភ័យខ្លាចនៃការរុញច្រានត្រឡប់ទៅជម្លោះកាន់តែទូលំទូលាយ។ ចាប់តាំងពីខែមីនាមក កងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីនយ៉ាងហោចណាស់ ២៩ នាក់នៅក្នុងការវាយឆ្មក់នៅ West Bank ហើយការវាយប្រហារតាមដងផ្លូវរបស់អារ៉ាប់បានសម្លាប់មនុស្ស ១៤ នាក់នៅក្នុងប្រទេសអ៊ីស្រាអែល។
ដោយឡែកនៅក្នុងសេចក្តីថ្លែងការណ៍មួយ ក្រុមហាម៉ាស់បាននិយាយថា ការទម្លាក់គ្រាប់បែករបស់អ៊ីស្រាអែលនឹងគ្រាន់តែលើកទឹកចិត្តឱ្យប៉ាឡេស្ទីន "ទប់ទល់នឹងការកាន់កាប់ និងបង្កើនការគាំទ្ររបស់ពួកគេសម្រាប់ក្រុងហ្សេរុយសាឡឹម និងប្រជាជនរបស់ខ្លួន"។ ការប្រឈមមុខដាក់គ្នានៅក្នុងទីក្រុងចាស់របស់ហ្សេរូយសាឡឹម ជាពិសេសនៅបរិវេណវិហារឥស្លាម Al-Aqsa ដែលជនជាតិយូដាស្គាល់ថាជា Temple Mount បង្កហានិភ័យនៃការកើតឡើងវិញទៅជាការបះបោរកាន់តែទូលំទូលាយដូចសង្គ្រាមអ៊ីស្រាអែល-ហ្គាហ្សារយៈពេល ១១ ថ្ងៃកាលពីឆ្នាំមុន ដែលប្រជាជនប៉ាឡេស្ទីនជាង ២៥០ នាក់នៅក្នុង ហ្កាហ្សា និងមនុស្ស ១៣ នាក់នៅអ៊ីស្រាអែលត្រូវបានសម្លាប់។ ភាពតានតឹងនៅឆ្នាំនេះបានកើនឡើងមួយផ្នែកដោយខែពិសិដ្ឋរបស់មូស្លីមនៃបុណ្យរ៉ាម៉ាដានស្របពេលជាមួយនឹងការប្រារព្ធបុណ្យរំលងរបស់ជនជាតិជ្វីហ្វ។
គួរបញ្ជាក់ថាអ៊ីស្រាអែល ដែលបានបញ្ចូលទីក្រុងហ្សេរូយសាឡឹមខាងកើតនៅក្នុងចលនាមួយដែលមិនមានការទទួលស្គាល់ជាអន្តរជាតិបន្ទាប់ពីការដណ្តើមយកតំបន់នេះនៅក្នុងសង្រ្គាមឆ្នាំ ១៩៦៧ចាត់ទុកទីក្រុងហ្សេរូយសាឡឹម៕
.PNG?1734342143)
