ផ្លូវល្បឿនលឿនវែងបំផុតរបស់វៀតណាមតម្លៃជិត១ពាន់លាននឹងបញ្ចប់ការសាងសង់ឆាប់ៗនេះ

ហូជីមិញ៖ ផ្លូវល្បឿនលឿនតភ្ជាប់តំបន់សេដ្ឋកិច្ច Van Don និងទីប្រជុំជន Mong Cai ភាគខាងជើងខេត្ត Quang Ninh ត្រូវបានគេរំពឹងថានឹងបញ្ចប់នៅត្រីមាសទីពីរក្នុងឆ្នាំនេះ។ ផ្លូវល្បឿនលឿន Van Don - Mong Cai តភ្ជាប់ទៅផ្លូវហាយវេហាណូយ Ha Long ប្រវែង ៣០០ គីឡូម៉ែត្រ ដើម្បីក្លាយជាផ្លូវល្បឿនលឿនបំផុតក្នុងប្រទេស កំពុងទទួលបានការចាប់អារម្មណ៌ជាខ្លាំង។

បើតាមមន្រ្តីវៀតណាមបានឲ្យដឹថា ផ្លូវនេះនឹងរត់បានចម្ងាយជាង ៨០ គីឡូម៉ែត្រ និងមានផ្លូវចំនួន ៤ ដើម្បីអនុញ្ញាតឱ្យមានល្បឿនអតិបរមា ១២០ គីឡូម៉ែត្រក្នុងមួយម៉ោង។ នៅពេលដែលបានបញ្ចប់ ផ្លូវនេះនឹងកាត់បន្ថយពេលវេលាក្នុងការធ្វើដំណើរពីតំបន់សេដ្ឋកិច្ច Van Don ទៅកាន់ទីប្រជុំជន Mong Cai ដែលមានព្រំប្រទល់ជាប់ប្រទេសចិនមកត្រឹម ៥០ នាទី ជំនួសឱ្យរយៈពេលពីរម៉ោង។ ប៉ុន្តែក្នុងខែឧសភា ឆ្នាំ ២០២០ រដ្ឋាភិបាលបានអនុម័តសំណើរបស់អាជ្ញាធរខេត្ត Quang Ninh ដើម្បីបំបែកផ្លូវល្បឿនលឿនជាពីរគម្រោងផ្សេងគ្នា៖ ផ្នែក Van Don Tien Yen ដែលលាតសន្ធឹងប្រវែង ១៦,៨ គីឡូម៉ែត្រ និងចំណាយថវិការដ្ឋជាង ៣,៦៥ ពាន់ពាន់លានដុង និង ៦៣,២៦ ពាន់លានដុង។

ដោយឡែក លោក Vu Van Khanh នាយកក្រុមប្រឹក្សាគ្រប់គ្រងការវិនិយោគ និងសាងសង់ការងារចរាចរណ៍ខេត្ត Quang Ninh បាននិយាយថា ផ្លុវតភ្ជាប់ Van Don Tien Yen នឹងត្រូវបញ្ចប់ក្នុងខែនេះ ខណៈដែលផ្លូវ Tien Yen – Mong Cai នឹងត្រូវបញ្ចប់ក្នុងត្រីមាសទីពីរ។ លោកបន្តថាផ្លូវ Van Don – Mong Cai Expressway គឺជាផ្លូវអន្តរខេត្តវែងបំផុតក្នុងប្រទេសវៀតណាម។ វាជាផ្នែកមួយនៃផ្លូវហាយវេ Hai Phong – Ha Long – Van Don – Mong Cai ដែលតភ្ជាប់ទីក្រុងកំពង់ផែភាគខាងជើង Hai Phong ជាមួយ Quang Ninh ដែលជាផ្ទះទៅកាន់ឈូងសមុទ្រ Ha Long ដ៏ល្បីល្បាញលើពិភពលោក។

គួរបញ្ចាក់ថាការងារសាងសង់ផ្លូវល្បឿនលឿននេះបានចាប់ផ្តើមនៅថ្ងៃទី ៣ ខែមេសា ឆ្នាំ ២០១៩ ក្នុងរបៀបភាពជាដៃគូសាធារណៈ និងឯកជន (PPP) ក្នុងតម្លៃដើម ១១.២ ពាន់ពាន់លានដុង (៤៨៤.៧៦លានដុល្លារ)៕