អាម៉េរិក៖ សហរដ្ឋអាម៉េរិក បានដាក់ទណ្ឌកម្មថ្មីលើអ៊ីរ៉ង់ និងកម្មវិធីមីស៊ីលផ្លោងរបស់ខ្លួន ដោយនិយាយថា វិធានការនេះ គឺជាការឆ្លើយតបទៅនឹងការវាយប្រហាររបស់អ៊ីរ៉ង់លើទីក្រុង Erbil ប្រទេសអ៊ីរ៉ាក់កាលពីដើមខែនេះ ក៏ដូចជាការវាយប្រហារដែលធ្វើឡើងដោយក្រុម ហូធី (Houthis) របស់យេម៉ែនដែលត្រូវបានចោទប្រកាន់ថាត្រូវបាន "បើក" ដោយទីក្រុងតេអេរ៉ង់។
នាយកដ្ឋានរតនាគារអាម៉េរិកបានប្រកាសពីការពិន័យកាលពីថ្ងៃពុធ ដោយផ្តោតលើ "ភ្នាក់ងារលទ្ធកម្មរបស់អ៊ីរ៉ង់" និងបណ្តាញក្រុមហ៊ុន ដែលត្រូវបានគេចោទប្រកាន់ថាបានចូលរួមក្នុងការផ្គត់ផ្គង់ "សម្ភារៈដែលទាក់ទងនឹងការជំរុញ" ដល់កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) ។
នាយកដ្ឋានបាននិយាយថា "សកម្មភាពថ្ងៃនេះ បន្ទាប់ពីការវាយប្រហារដោយមីស៊ីលរបស់អ៊ីរ៉ង់លើទីក្រុង Erbil ប្រទេសអ៊ីរ៉ាក់នៅថ្ងៃទី ១៣ ខែមីនា និងការវាយប្រហារដោយមីស៊ីលរបស់ក្រុមហូធី ប្រឆាំងនឹងរោងចក្រ Saudi Aramco កាលនៅថ្ងៃទី ២៥ ខែមីនា" ដោយអះអាងថា កម្មវិធីមីស៊ីលរបស់ ទីក្រុងតេអេរ៉ង់បង្ក "ការគំរាមកំហែងយ៉ាងធ្ងន់ធ្ងរដល់សន្តិសុខអន្តរជាតិ" ខណៈការវាយប្រហារផ្សេងទៀតដែលត្រូវចោទប្រកាន់ថាជា "អ្នកតំណាងអ៊ីរ៉ង់" នៅក្នុងប្រទេសអារ៉ាប៊ីសាអូឌីត និងអារ៉ាប់រួម។
IRGC បានអះអាងទទួលខុសត្រូវចំពោះការវាយប្រហារកាលពីថ្ងៃទី ១៣ ខែមីនា លើជនជាតិ Kurdistan របស់អ៊ីរ៉ាក់ ដោយនិយាយថា ខ្លួនបានវាយប្រហារលើ “មជ្ឈមណ្ឌលយុទ្ធសាស្ត្រ” របស់អ៊ីស្រាអែល ប៉ុន្មានថ្ងៃបន្ទាប់ពីមន្ត្រីអ៊ីរ៉ង់ពីរនាក់ត្រូវបានសម្លាប់នៅក្នុងការវាយឆ្មក់តាមអាកាសរបស់ IDF នៅក្នុងប្រទេសស៊ីរី។ ទន្ទឹមនឹងនោះ អ្នកនាំពាក្យរបស់ ហូធី នៃប្រទេសយេម៉ែនបានប្រកាសថា ក្រុមនេះនៅពីក្រោយការបំផ្ទុះ ឃ្លាំងស្តុកប្រេងរបស់អារ៉ាប៊ីសាអូឌីតនៅទីក្រុង Jeddah កាលពីថ្ងៃទី ២៥ ខែមីនា។
ការដាក់ទណ្ឌកម្មថ្មីកើតឡើងនៅពេលដែលអ៊ីរ៉ង់ សហរដ្ឋអាម៉េរិក និងដៃគូអឺរ៉ុបរបស់ខ្លួនព្យាយាមស្តារឡើងវិញនូវកិច្ចព្រមព្រៀងនុយក្លេអ៊ែរ ដែលបានចុះហត្ថលេខាជាមួយទីក្រុងតេអេរ៉ង់ក្នុងឆ្នាំ ២០១៥ដោយប្រធានគោលនយោបាយការបរទេសរបស់សហភាពអឺរ៉ុប។ លោក Josep Borrell ថ្មីៗនេះបាននិយាយថា ពួកគេ "ជិតដល់កិច្ចព្រមព្រៀង" ជាច្រើនខែ។ តែទោះបីជាយ៉ាងណា ដោយសារកង្វល់កំពូលរបស់អ៊ីរ៉ង់លើការបន្ធូរបន្ថយទណ្ឌកម្ម វានៅតែត្រូវមើលថាតើការដាក់ទណ្ឌកម្មកាលពីថ្ងៃពុធ នឹងមានផលប៉ះពាល់ដល់កិច្ចចរចា ឬធ្វើឱ្យមានភាពស្មុគស្មាញដល់កិច្ចព្រមព្រៀងចុងក្រោយឬយ៉ាងណា៕
