អាជ្ញាធរជាតិអប្សរាបញ្ចប់ការជួសជុលដំបូលទបង្ហូរទឹកខាងត្បូងប្រាសាទនាគព័ន្ធ

សៀមរាប៖ អាជ្ញាធរជាតិអប្សរាបានបញ្ចប់ការងារជួសជុលដំបូលទបង្ហូរទឹកខាងត្បូងប្រាសាទនាគព័ន្ធហើយ។ នេះបើតាមនាយកដ្ឋានផ្សព្វផ្សាយនៃអាជ្ញាធរជាតិអប្សរា។

ការងារជួសជុលដំបូលទបង្ហូរទឹកខាងត្បូងរបស់ប្រាសាទនាគព័ន្ធ ដែលទទួលរងការខូចខាតធ្ងន់ធ្ងរដែលចាប់ដំណើរការពីដើមខែតុលាឆ្នាំ២០២១មកនោះ ពេលនេះបានបញ្ចប់រួចរាល់១០០ភាគរយហើយ។