![](https://cdn.cc-times.com/kh.cc-times.com/media/18110/large/%E1%9E%9A%E1%9E%8A%E1%9F%92%E1%9E%8B%E1%9E%94%E1%9E%B6%E1%9E%9B%E1%9E%9A%E1%9E%B6%E1%9E%87%E1%9E%92%E1%9E%B6%E1%9E%93%E1%9E%B8%E1%9E%97%E1%9F%92%E1%9E%93%E1%9F%86%E1%9E%96%E1%9F%81%E1%9E%89.jpg?1639365254)
ភ្នំពេញ៖ រដ្ឋបាលរាជធានីភ្នំពេញ នៅថ្ងៃទី១៣ ខែធ្នូនេះ បានចេញសេចក្ដីជូនដំណឹងស្ដីពីការបញ្ជៀសចរាចរយានយន្តគ្រប់ប្រភេទជាបណ្ដោះអាសន្ន ក្នុងពេលរៀបចំពិធីសម្ពោធដាក់ឱ្យប្រើប្រាស់ជាផ្លូវការនូវវិមានកីឡដ្ឋាន ដែលជាវិមានធំមួយនៅក្នុងពហុកីឡដ្ឋានជាតិមរតកតេជោ។
រដ្ឋបាលរាជធានីបានចេញសេចក្ដីជូនដំណឹងថា យានយន្តគ្រប់ប្រភេទមិនអាចធ្វើដំណើរឆ្លងកាត់កំណាត់មហាវិថីឈ្នះ-ឈ្នះ ពោលគឺចាប់ពីគល់ស្ពានព្រែកព្នៅរហូតដល់ផ្លូវជាតិលេខ៦អា ចាប់ពីម៉ោង៥៖០០នាទីរហូតដល់កម្មវិធីត្រូវបានបញ្ចប់។
សូមបញ្ជាក់ថា ពិធីសម្ពោធដាក់ឱ្យប្រើប្រាស់ជាផ្លូវការនូវវិមានកីឡដ្ឋាននេះនឹងត្រូវប្រព្រឹត្តទៅចាប់ពីថ្ងៃ១៨ ខែធ្នូ ឆ្នាំ២០២១ ក្រោមអធិបតីភាពសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន៕
![](https://cdn.cc-times.com/kh.cc-times.com/media/18111/large/%E1%9E%94%E1%9E%89%E1%9F%92%E1%9E%85%E1%9F%80%E1%9E%9F.jpg?1639365308)