ព្រះមហាក្សត្រ និងសម្តេចម៉ែយាងទៅចិនដើម្បីពិនិត្យព្រះរាជសុខភាព

ភ្នំពេញ៖ ព្រះបាទ​សម្តេច​ ព្រះបរមនាថ នរោត្តម សីហមុនី ព្រះមហាក្សត្រ​ នៃ​ព្រះរាជាណាចក្រ​កម្ពុជា និង​ព្រះមហាក្សត្រី នរោត្តម មុនិនាថ សីហនុ នៅថ្ងៃទី ១៦ សីហានេះ បានយាងទៅទីក្រុងប៉េកាំងប្រទេសចិន ដើម្បីពិនិត្យព្រះរាជសុខភាព។

ក្នុងពិធីយាងរបស់ព្រះមហាក្សត្រ សម្តេច ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេច ស ខេន សម្តេច ហេង សំរិន សម្តេច សាយ ឈុំ និងមន្ត្រីជាន់ខ្ពស់ជាច្រើនទៀត។សម្តេច ហ៊ុន សែន បានចេញសារជូនពរព្រះមហាក្សត្រប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជារាស្ត្រទូទាំងប្រទេស៕