ភ្នំពេញ៖ វ៉ាក់សាំង Johnson& Johnson ចំនួនពាក់កណ្តាលក្នុងចំណោម ១លានដូស ដែលជាជំនួយរបស់អាមេរិក បានមកដល់កម្ពុជាហើយនាថ្ងៃទី៣០ កក្កដា ឆ្នាំ២០២១។
បើតាមស្ថានទូតអាមេរិកប្រចាំកម្ពុជាកាល បានប្រកាសពីការផ្ដល់ជំនួយវ៉ាក់សាំង Johnson& Johnson ចំនួន១លានដូស។ ជំនួយនេះ ធ្វើឡើងតាមរយៈ(COVAX) តាមរយៈស្ថានភាពកូវីដបច្ចុប្បន្ននៅកម្ពុជា។
ទូតអាមេរិកលើកឡើងថា អំណោយនេះ គឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាជនកម្ពុជា និងនៅ ក្នុងតំបន់ ក្នុងពេលដែលកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។
សូមជម្រាបថា វ៉ាក់សាំងនេះ នឹងដឹកមកចំនួនពាក់កណ្ដាលសិន។ ដោយឡែក វ៉ាក់សាំងសល់ពីនោះ នឹងត្រូវមកដល់នៅ ថ្ងៃចន្ទ ទី០២ ខែសីហា ឆ្នាំ២០២១នេះ៕
