Img 0571

អនុរដ្ឋមន្ត្រី​ការបរទេស​អាមេរិកមក​ទស្សនកិច្ច​នៅកម្ពុជាថ្ងៃនេះ ដើម្បីពង្រឹងទំនាក់ទំនង

នយោបាយ
/
អ្នកយកព័ត៌មាន:
ស៊ីស៊ីថាមស៍
/
ខាងឆ្វេងគឺ សម្តេច ហ៊ុន សែន និង ស្តាំលោក​ស្រី Wendy R. Sherman ​អនុរដ្ឋមន្ត្រី​ការបរទេស​សហរដ្ឋអាមេរិក។

ភ្នំពេញ៖ លោក​ស្រី Wendy R. Sherman ​អនុរដ្ឋមន្ត្រី​ការបរទេស​សហរដ្ឋអាមេរិក​ នឹង​មក​បំពេញ​ទស្សនកិច្ច​នៅកម្ពុជា ​រយៈពេលមួយថ្ងៃ ​ក្នុង​ថ្ងៃទី ១ខែមិថុនា​នេះ​។​ដំណើរ​ទស្សនកិច្ច​មក​កាន់កម្ពុជា លោក​ស្រី​ Sherman ​នឹង​មាន​ជំនួប​ដោយ​ផ្ទាល់​ជាមួយលោក​នាយក​រដ្ឋមន្ត្រី​ហ៊ុន សែន ​ និង​លោក​ឧបនាយករដ្ឋមន្ត្រី ​ប្រាក់ សុខុន​ រដ្ឋមន្ត្រី​ការបរទេស​កម្ពុជា​ ដើម្បី​ពង្រឹង​បន្ថែម​ទំនាក់ទំនង​ទ្វេភាគី​អាមេរិក​ កម្ពុជា ឲ្យ​កាន់តែមានលក្ខណៈ​ល្អប្រសើរ​ថែមទៀត​។

បើតាមគម្រោងនៅល្ងាចថ្ងៃទី ១ ខែមិថុនា ឆ្នាំ ២០២១នេះ សម្តេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងទទួលជួបអនុរដ្ឋមន្ត្រីក្រសួងការបរទេសសហរដ្ឋអាមេរិក លោកជំទាវ Wendy Ruth Sherman ដែលនឹងមកបំពេញទស្សនកិច្ចនៅកម្ពុជា រយៈពេល១ថ្ងៃ ។

សូមបញ្ជាក់ថា លោកជំទាវ Wendy Ruth Sherman ត្រូវបានក្រសួងការបរទេសអាមេរិកប្រកាសថា នឹងធ្វើដំណើរទស្សនកិច្ច១១ថ្ងៃ ទៅកាន់ប្រទេសមួយចំនួន ចាប់ពីថ្ងៃទី២៥ ខែឧសភា ដល់ថ្ងៃទី៤ ខែមិថុនា ឆ្នាំ២០២១ ដោយទស្សនកិច្ចលើកដំបូងទៅកាន់ប្រទេសប្រទេសបែលហ្ស៉ិក ហើយបន្តទៅតួកគី,ឥណ្ឌូនេស៉ី,កម្ពុជា និងប្រទេសថៃផងដែរ។

ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង