.png?1741682398)
ភ្នំពេញ៖ ក្រសួងសុខាភិបាលកម្ពុជា នៅថ្ងៃទី២៥ ខែមេសា ឆ្នាំ២០២១ នេះ បានចេញសេចក្តីប្រកាសព័ត៌មានពីការរកឃើញអ្នកឆ្លងជំងឺកូវីដ-១៩ ថ្មី ក្នុងថ្ងៃទី ២៤ ខែមេសា នេះ មានចំនួន ៦១៦នាក់បន្ថែមទៀតជាប់ពាក់ព័ន្ធនឹង «ព្រឹត្តិការណ៍សហគមន៍២០កុម្ភៈ» និងអ្នកជាសះស្បើយចំនួន ១៩០នាក់ផងដែរ។
ក្នុងចំណោមអ្នកឆ្លងកូវីដថ្មីទាំង ៦១៦នាក់ខាងលើ ជាករណីឆ្លងក្នុង«ព្រឹត្តិការណ៍សហគមន៍២០កុម្ភៈ» នៅរាជធានីភ្នំពេញមានអ្នកឆ្លងកូវីដចំនួនច្រើនជាងគេ មានចំនួនអ្នកឆ្លងរហូតទៅដល់ ៥៤៦នាក់ ហើយខេត្តព្រះសីហនុ ២០នាក់, ខេត្តកណ្ដាល ២៤នាក់, ខេត្តព្រៃវែង ០៨នាក់ , ខេត្តតាកែវ ០៧នាក់, ខេត្ត មណ្ឌលគិរី ០២នាក់, ខេត្តស្វាយរៀង ០២នាក់, ខេត្តកំពង់ឆ្នាំង ០២នាក់, ខេត្តកោះកុង ០២នាក់, ខេត្តកំពង់ធំ ០២នាក់ , ខេត្តកំពង់ស្ពឺ ០១នាក់។
គួរបញ្ជាក់ថា គិតត្រឹមព្រឹកម៉ោង៧ និង០០នាទី ថ្ងៃទី២៥ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ៩៩៧៥នាក់ ជាសះស្បើយចំនួន ៣៤០០នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ៦៤៩៥នាក់ ហើយករណីស្លាប់ ៧៤នាក់៕
.png?1744178821)
