ចិនផ្ដល់ជំនួយវ៉ាក់សាំង Sinopharm ចំនួន ៤០ម៉ឺនដូសទៀតដល់កម្ពុជា

ភ្នំពេញ៖រដ្ឋាភិបាលនៃប្រទេសចិន បានសម្រេចផ្តល់ជំនួយវ៉ាក់សាំង Sinopharm ចំនួន ៤០ម៉ឺនដូសទៀតដល់កម្ពុជាសម្រាប់ប្រជាជន ២០ម៉ឺននាក់ ហើយគម្រោងនឹងមកដល់កម្ពុជា នៅចុងខែនេះ។នេះបើយោងតាមការផ្សព្វផ្សាយរបស់ស្ថានទូតចិនប្រចាំប្រទេសកម្ពុជា។

យោងតាមស្ថានទូតចិន បានគូសបញ្ជាក់ថា "ដើម្បីគាំទ្ររាជរដ្ឋាភិបាលកម្ពុជាក្នុងកិច្ចប្រយុទ្ធប្រឆាំងជំងឺវីរុសកូវីដ-១៩ រដ្ឋាភិបាលចិនសម្រេចផ្តល់ជំនួយឥតសំណងជាវ៉ាក់សាំងកូវីដ Sinopharm ចំនួន ៤០ ម៉ឺនដូសបន្ថែមទៀតដល់ភាគីកម្ពុជា។ វ៉ាក់សាំងទាំងនេះនឹងដឹកជញ្ជូនមកដល់ប្រទេសកម្ពុជានាចុងខែមេសាខាងមុខនេះតាមរយៈជើងហោះហើរពាណិជ្ជកម្ម"។