ភ្នំពេញ៖ ក្រសួងសុខាភិបាលកម្ពុជា នៅថ្ងៃទី០៩ ខែមេសា ឆ្នាំ២០២១នេះ បានចេញសេចក្តីប្រកាសព័ត៌មានពីការរកឃើញអ្នកឆ្លងជំងឺកូវីដ-១៩ ថ្មីចំនួន ៥៧៦នាក់បន្ថែមទៀត ជាប់ពាក់ព័ន្ធនឹង«ព្រឹត្តិការណ៍សហគមន៍២០កុម្ភៈ» និងជាសះស្បើយចំនួន ៧០នាក់ផងដែរ។
ក្ក្នុងចំណោមអ្នកឆ្លងកូវីដថ្មីទាំង ៥៧៦នាក់ខាងលើឆ្លងក្នុងសហគមន៍ នៅរាជធានីភ្នំពេញមានអ្នកឆ្លងកូវីដចំនួនច្រើនជាងគេមិនធ្លាប់មានពីមុន ដែលមានចំនួនអ្នកឆ្លងរហូតទៅដល់ ៥៤៤នាក់ ហើយខេត្តស្វាយរៀង ១៦នាក់, ខេត្តព្រះសីហនុ ១២នាក់ , ខេត្តសៀមរាប ០២នាក់ , ខេត្តកណ្ដាល ០១នាក់ និងខេត្តកំពង់ចាម ០១នាក់។
គួរបញ្ជាក់ថា គិតត្រឹមថ្ងៃទី០៩ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ៣៦០៤ នាក់ ជាសះស្បើយចំនួន ១៩៨៤នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១៥៩១នាក់ ហើយករណីស្លាប់ ២៤នាក់៕
