.png?1741682398)
ភ្នំពេញ៖ ក្រសួងសុខាភិបាលកម្ពុជា នៅថ្ងៃទី៣១ ខែមីនានេះ បានចេញសេចក្តីប្រកាសព័ត៌មានបញ្ជាក់ពីការរកឃើញអ្នកឆ្លងជំងឺកូវីដ-១៩ ថ្មីចំនួន ៦៣នាក់បន្ថែមទៀតជាអ្នកជាប់ពាក់ព័ន្ធក្នុង«ព្រឹត្តិការណ៍សហគមន៍២០កុម្ភៈ» និងជាសះស្បើយចំនួន ១៥នាក់ផងដែរ។
ក្នុងចំណោមអ្នកឆ្លងថ្មី ទាំង៦៣នាក់ខាងលើ នៅខេត្តព្រះសីហនុ មានអ្នកឆ្លងកូវីដចំនួនច្រើនជាងគេនៅថ្ងៃនេះ ដែលមានចំនួនអ្នកឆ្លងរហូតទៅដល់ ៣៤នាក់ ហើយនៅរាជធានីភ្នំពេញ ២៣នាក់ ខេត្តស្វាយរៀង ០១នាក់, ខេត្តកណ្ដាល ០១នាក់ និងខេត្តត្បូងឃ្មុំ ០៤នាក់។
គួរបញ្ជាក់ថា គិតត្រឹមថ្ងៃទី៣១ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន ២៤៤០នាក់ ជាសះស្បើយចំនួន ១១៩១នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ១២៣៤នាក់ ហើយករណីស្លាប់ ១១នាក់៕
.png?1744178821)
.jpg?1745999249)
