BREAKING៖ កម្ពុជារកឃើញករណីឆ្លងថ្មីចំនួន១៥នាក់ទៀត

ភ្នំពេញ៖ ក្រសួងសុខាភិបាលកម្ពុជា នៅព្រឹកថ្ងៃទី០១ ខែមីនានេះ បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងជំងឺកូវីដ​១៩ ថ្មីចំនួន១៥នាក់ថែមទៀត ដែលក្នុងនោះមាន១៤នាក់ជាករណីវិជ្ជមានដែលពាក់ព័ន្ធក្នុង«ព្រឹត្តិការណ៍សហគមន៍ ២០កុម្ភៈ»។

គួរបញ្ជាក់ថា គិតត្រឹមព្រឹកថ្ងៃទី០១ ខែមីនា​ ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដសរុបចំនួន៨២០នាក់ ក្នុងនោះអ្នកជាសះស្បើយចំនួន ៤៧៧នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន ៣៤៣នាក់៕