ភ្នំពេញ៖ ក្រុមហ៊ុន OCIC ដែលជាក្រុមហ៊ុនវិនិយោគដ៏ធំមួយនៅកម្ពុជា បានផ្តួចផ្តើមគំនិត និងសហការជាមួយក្រសួងរៀបចំដែនដី នគរូបនីយកម្ម និងសំណង់ រៀបចំការប្រកួតប្រជែងស្នាដៃស្ថាបត្យកម្ម និងការរចនាតាមតំបន់អភិវឌ្ឍន៍របស់ក្រុមហ៊ុន ជាពិសេសគម្រោងរចនាឧទ្យាននៅកោះនរា។
ការប្រកួតប្រជែងនេះ មានគោលបំណងបើកឱកាសឱ្យប្រជាពលរដ្ឋ និងអ្នកជំនាញខ្មែរបញ្ចេញគំនិតច្នៃប្រឌិត និងចូលរួមផ្តល់ធាតុចូលក្នុងការរៀបចំតំបន់អភិវឌ្ឍន៍ ព្រមទាំងជំរុញការលើកកម្ពស់សមត្ថភាព និងបណ្តុះបណ្តាលធនធានមនុស្សក្នុងវិស័យស្ថាបត្យកម្ម និងការរៀបចំទីក្រុងនៅកម្ពុជា។
ជាក់ស្តែង នៅថ្ងៃទី៦ ខែវិច្ឆិកា ឆ្នាំ២០២៦ ក្រុមហ៊ុន OCIC បានរៀបចំពិធីប្រគល់ពានរង្វាន់ដល់ម្ចាស់ស្នាដៃជ័យលាភី ក្នុងការប្រកួតប្រជែងរចនាឧទ្យានកោះនរា ក្រោមប្រធានបទ «បេះដូងរាជធានី» ដែលជាផ្នែកមួយនៃការជំរុញគំនិតច្នៃប្រឌិត និងការចូលរួមរបស់ធនធានស្ថាបត្យករខ្មែរក្នុងការអភិវឌ្ឍទីក្រុង៕
