កំពង់ធំ៖ប្រមុខរាជរដ្ឋាភិបាលកម្ពុជា សម្តេច ហ៊ុន ម៉ាណែត នៅថ្ងៃទី ៣ វិច្ឆិកានេះ បានថ្លែងជំរុញឱ្យគ្រប់សាលារៀនរបស់រដ្ឋទាំងអស់ ត្រូវចាត់វិធានការដែលមានស្រាប់ និងដាក់ទិសដៅចាប់ពីឆ្នាំ២០២៦ ដល់ឆ្នាំ២០២៧ គ្រប់សាលារៀនរបស់រដ្ឋទាំងអស់ ត្រូវទប់ស្កាត់លុបបំបាត់សិស្សប្រើប្រាស់ «ទូរសព្ទដៃ» ក្នុងម៉ោងរៀន ដោយគ្មានការអនុញ្ញាតពីគ្រូ។ការថ្លែងយ៉ាងដូច្នេះ ធ្វើឡើងក្នុងពេលសម្តេច ហ៊ុន ម៉ាណែត អញ្ជើញជាអធិបតី “សម្ពោធដាក់ឱ្យប្រើប្រាស់ជាផ្លូវការ អគារសិក្សាថ្មី ចំនួន ៥ខ្នង សរុប ៥៥បន្ទប់ នៅវិទ្យាល័យទ្រៀល”។
