កុងហ្គោ ៖ ការរាតត្បាតនៃជំងឺអេបូឡា (Ebola) នៅក្នុងសាធារណរដ្ឋប្រជាធិបតេយ្យកុងហ្គោ (DR Congo) បានឈានដល់កម្រិតអាសន្នថ្មីមួយ ដោយចំនួនអ្នកឆ្លងដែលត្រូវបានបញ្ជាក់បានកើនឡើងរហូតដល់លើស ១០.០០០ ករណី។ នេះបើយោងតាមរបាយការណ៍បច្ចុប្បន្នភាពផ្លូវការពីអាជ្ញាធរសុខាភិបាលសាធារណៈរបស់ប្រទេសនេះ កាលពីថ្ងៃទី ២៧ ខែតុលា ឆ្នាំ២០២៦។
អាជ្ញាធរសុខាភិបាលបានរាយការណ៍ថា គិតត្រឹមថ្ងៃទី ២៧ ខែតុលា មានករណីឆ្លងដែលត្រូវបានបញ្ជាក់សរុបចំនួន ១០.០៦០ នាក់ និងមានអ្នកបាត់បង់ជីវិតកើនឡើងដល់ ៤.៨៨៧ នាក់។ ការផ្ទុះឡើងនៃវីរុសនេះ ដែលត្រូវបានប្រកាសអាសន្នជាផ្លូវការតាំងពីខែឧសភា ឆ្នាំ២០២៦ មក បានក្លាយជាការរាតត្បាតជំងឺអេបូឡាដ៏ធំបំផុត និងសាហាវព្រៃផ្សៃបំផុតនៅក្នុងប្រវត្តិសាស្ត្ររបស់សាធារណរដ្ឋប្រជាធិបតេយ្យកុងហ្គោ។
យោងតាម CGTN ស្ថានការណ៍កាន់តែគួរឱ្យបារម្ភ បន្ទាប់ពីមានការរាយការណ៍រកឃើញករណីឆ្លងពាក់ព័ន្ធនឹងការផ្ទុះឡើងនេះ នៅក្នុងប្រទេសជិតខាងដូចជា ប្រទេសកេនយ៉ា និងប្រទេសនីហ្សេរីយ៉ា ដែលបង្កជាក្តីបារម្ភយ៉ាងខ្លាំងអំពីការឆ្លងរាតត្បាតឆ្លងព្រំដែននៅក្នុងតំបន់។ បច្ចុប្បន្ន ក្រុមឆ្លើយតបផ្នែកសុខាភិបាលកំពុងប្រឈមមុខនឹងឧបសគ្គធ្ងន់ធ្ងរជាច្រើន រួមមាន កម្រិតទាបនៃការតាមដានអ្នកប៉ះពាល់ផ្ទាល់ជាមួយអ្នកជំងឺ បញ្ហាអសន្តិសុខក្នុងតំបន់ និងការលំបាកក្នុងការចុះទៅដល់សហគមន៍ដាច់ស្រយាលដែលរងផលប៉ះពាល់៕
