![](https://cdn.cc-times.com/kh.cc-times.com/media/7537/large/139560805_3864951946905231_6615316034124773977_o.jpg?1611220018)
បាត់ដំបង៖ ក្រុងបាត់ដំបង ត្រូវបានទទួលស្គាល់ថាជាទីក្រុងគំរូទាក់ទងនឹងការគ្រប់គ្រងសំណល់ ដោយបានកែច្នៃសំរាម ដូចជាការបង្កើតជីកំប៉ុស និងកែច្នៃប្លាស្ទិក។នេះបើតាមការចុះផ្សាយរបស់កម្មវិធីអភិវឌ្ឍន៍សហប្រជាជាតិ (UNDP) ចេញផ្សាយនៅថ្ងៃទី ២១ មករានេះ។
UNDP បានគម្រោងកៃច្នៃសំណល់នៅក្នុងក្រុងបាត់ដំបងនេះ មានការគាំទ្រពីស្ថានទូតស៊ុយអែត យូអិនឌីភី និង គណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប) ដើម្បីរៀបចំកម្មវិធីទស្សនកិច្ចសិក្សាផ្លាស់ប្តូរបទពិសោធន៍នៅទីតាំងកែច្នៃសំរាម ដូចជាការបង្កើតជីកំប៉ុស និងកែច្នៃប្លាស្ទិក នៅទីក្រុងបាត់ដំបង។
គម្រោងនេះក្នុងគោលបំណងផ្តល់ឱ្យ រដ្ឋបាលថ្នាក់ក្រោមជាតិទទួលបាននូវចំណេះដឹងថ្មីៗ ពាក់ព័ន្ធនឹងការគ្រប់គ្រងសំណល់ បទប្បញ្ញត្តិ និងដំណោះស្រាយនានានៃការកែច្នៃសំណល់ទីក្រុង ដើម្បីចូលរួមលើកកម្ពស់សេដ្ឋកិច្ចវិលជុំ នៅព្រះរាជាណាចក្រកម្ពុជា៕
![](https://cdn.cc-times.com/kh.cc-times.com/media/7538/large/139659513_3864951950238564_1544071669810560450_o.jpg?1611220126)
![](https://cdn.cc-times.com/kh.cc-times.com/media/7539/large/140625349_3864951876905238_5237643906853374995_o.jpg?1611220128)