លោក Saleumxay Kommasith ត្រូវបានជ្រើសតាំងជានាយករដ្ឋមន្ត្រីថ្មីឡាវ ចំណែកលោក Sonexay Siphandone ក្លាយជាប្រធានរដ្ឋសភា

ឡាវ៖ ក្នុងសម័យប្រជុំសាមញ្ញលើកទី២ នៃរដ្ឋសភានីតិកាលទី១០ របស់ប្រទេសឡាវ នាថ្ងៃចន្ទនេះ រដ្ឋសភាឡាវបានបោះឆ្នោតជ្រើសតាំងឧបនាយករដ្ឋមន្ត្រីឡាវ លោក Saleumxay Kommasith ឱ្យកាន់តំណែងជានាយករដ្ឋមន្ត្រីថ្មី។ ដោយឡែក លោក Sonexay Siphandone ត្រូវបានជ្រើសតាំងឱ្យកាន់តំណែងជាប្រធានរដ្ឋសភាឡាវ។

គួរបញ្ជាក់ថា ការផ្លាស់ប្តូរសមាសភាពដឹកនាំនេះ ធ្វើឡើងបន្ទាប់ពីលោក Sonexay Siphandone បានចាកចេញពីតំណែងជានាយករដ្ឋមន្ត្រី ដើម្បីទៅទទួលតំណែងជាប្រធានរដ្ឋសភា ជំនួសលោក Xaysomphone Phomvihane ដែលបានទទួលអនិច្ចកម្មកាលពីខែសីហាកន្លងទៅ៕