គៀវ៖ មនុស្សប្រមាណប្រាំបួននាក់បានស្លាប់ និងជាងដប់នាក់រងរបួសក្នុងការវាយប្រហារតាមអាកាសរបស់រុស្ស៊ីលើទីក្រុងគៀវ និងតំបន់ជុំវិញនៅថ្ងៃអង្គារនេះដែលជាថ្ងៃទីប្រាំមួយជាប់ៗគ្នានៃការវាយប្រហារលើរដ្ឋធានីទីក្រុងគៀវរបស់អ៊ុយក្រែន។ អាជ្ញាធរក្នុងតំបន់បញ្ជាក់ថាមនុស្សប្រាំបីនាក់ត្រូវបានសម្លាប់ និងប្រាំនាក់ទៀតរងរបួសនៅទីក្រុងគៀវ ដែលក្នុងនោះបីនាក់ជាកុមារ ហើយអគ្គីភ័យបានផ្ទុះឡើងនៅទីតាំងផ្សេងៗគ្នាជុំវិញរដ្ឋធានីដែលបណ្តាលឱ្យចំនួនអ្នកស្លាប់កើនឡើងយ៉ាងឆាប់រហ័ស។
អភិបាលរដ្ឋ Tymur Tkachenko បានបញ្ជាក់នៅតាមបណ្តាញសង្គម Telegram ថាមីស៊ីល និងយន្តហោះគ្មានមនុស្សបើករបស់រុស្ស៊ីបានបំផ្លាញអគារអាផាតមិន និងកន្លែងអាជីវកម្មមួយដែលបណ្តាលឲ្យមានភ្លើងឆាបឆេះយ៉ាងខ្លាំងក្លា និងបង្កឲ្យមានមនុស្សស្លាប់ និងរងរបួស។លោកថា រុស្ស៊ីបានបង្កើនការវាយប្រហារនៅតាមព្រំដែនអ៊ុយក្រែន បន្ថែមពីលើកន្លែងថាមពល និងភស្តុភារ ហើយនៅថ្ងៃអង្គារនេះ ការវាយប្រហារថ្មីមួយបានបញ្ឈប់ការឆ្លងកាត់ព្រំដែនចូលទៅក្នុងប្រទេសរ៉ូម៉ានី៕
