រដ្ឋាភិបាលគ្មានផែនការលុប ឬកាត់ចោល«ក្រសួង»នោះទេតែនឹងកែទម្រង់ផ្អែកលើអភិក្រម«ពង្រឹងមិនពង្រីក»

ភ្នំពេញ៖ ប្រមុខរាជរដ្ឋាភិបាលកម្ពុជា សម្តេច ហ៊ុន ម៉ាណែត បានបញ្ជាក់ជាថ្មីថា រាជរដ្ឋាភិបាលបច្ចុប្បន្ន គ្មានផែនការកែទម្រង់ ឬកាត់បន្ថយក្រសួង ស្ថាប័ន នោះទេនោះទេ តែរាជរដ្ឋាភិបាលនឹងបន្តការកែទម្រង់របស់ខ្លួនដោយគឺផ្អែកទៅលើអភិក្រម «ពង្រឹងមិនពង្រីក»។ ការថ្លែងយ៉ាងដូច្នេះ ធ្វើឡើងក្នុងពេលសម្តេច អញ្ជើញជាអធិបតី “សម្ពោធបើកឱ្យប្រើប្រាស់ជាផ្លូវការ កំណាត់ផ្លូវជាតិលេខ៧៣ កំណាត់ផ្លូវខេត្តលេខ៣៧៧ និងផ្លូវខេត្តលេខ៣៧៧A ប្រវែងសរុប ៩៨,៤០៥ គ.ម.”។