កម្ពុជាចុះបញ្ជីគម្រោងវិនិយោគចំនួន៣៣ ក្នុងទុនសរុបប្រមាណ ៥២៥ លានដុល្លារ ក្នុងខែកក្កដា ឆ្នាំ២០២៦

ភ្នំពេញ៖ ក្រុមប្រឹក្សាអភិវឌ្ឍកម្ពុជា (ក.អ.ក.) និងអនុកម្មាធិការវិនិយោគរាជធានី ខេត្ត (អ.គ.វ.រ.ខ.) កាលពីខែកក្កដា ឆ្នាំ២០២៦ បានសម្រេចអនុម័តចុះបញ្ជីគម្រោងវិនិយោគសរុបចំនួន ៣៣ គម្រោង ដែលមានទុនវិនិយោគសរុបប្រមាណ ៥២៥ លានដុល្លារ និងបង្កើតឱកាសការងារបានប្រមាណ ១៧ ពាន់កន្លែង។ នេះបើតាមរបាយការណ៍។

បើតាមរបាយការណ៍ ក្នុងចំណោមគម្រោងវិនិយោគខាងលើ គម្រោងដែលត្រូវបានចុះបញ្ជីដោយ ក.អ.ក. មានចំនួន ២៣ គម្រោង ក្នុងទុនវិនិយោគប្រមាណ ៤៩៤ លានដុល្លារ និងអាចបង្កើតឱកាសការងារបានប្រមាណ ៩ ពាន់កន្លែង។ ដោយឡែក គម្រោងវិនិយោគដែលត្រូវបានចុះបញ្ជីដោយ អ.គ.វ.រ.ខ. មានចំនួន ១០ គម្រោង ក្នុងទុនវិនិយោគប្រមាណ ១ លានដុល្លារ និងអាចបង្កើតឱកាសការងារបានប្រមាណ ៨ ពាន់កន្លែង។

ជាការកត់សម្គាល់ ការវិនិយោគក្នុងរយៈពេល៧ខែដំបូងឆ្នាំ២០២៦នេះ កម្ពុជានៅតែបន្តទាក់ទាញគម្រោងវិនិយោគដែលមានគុណភាព ជាពិសេសក្នុងវិស័យហេដ្ឋារចនាសម្ព័ន្ធ និងទេសចរណ៍ដែលមានកំណើនទំហំទុនវិនិយោគ ខណៈវិស័យឧស្សាហកម្មនៅតែជាវិស័យនាំមុខគេក្នុងការទាក់ទាញវិនិយោគ៕