ព្រះសីហនុ ៖ កាលពីយប់ទៀបភ្លឺថ្ងៃទី០៧ ខែមីនានេះ មានបុរសជនជាតិចិនម្នាក់ដើរតាមផ្លូវ ត្រូវជនជាតិខ្មែរមួយក្រុមមិនស្គាល់អត្តសញ្ញាណ បានប្រើអំពីហិង្សាលើបុរសរូបនោះ។ នេះបើតាមការរាយការណ៍របស់ជនជាតិចិនម្នាក់ដែលរស់នៅទីក្រុងព្រះសីហនុ បានប្រាប់ស៊ីស៊ីថាមស៍។
សូមបញ្ជាក់ថា មកដល់ពេលនេះ ខាងសារព័ត៌មានស៊ីស៊ីថាមស៍មិនទាន់ទទួលបានព័ត៌មានជាក់លាក់ទាក់ទងនឹងករណីនេះនៅឡើយទេ។
ជនជាតិចិនដែលរស់នៅទីក្រុងព្រះសីហនុ បានប្រាប់មកស៊ីស៊ីថាមស៍ថា រឿងបែបនេះកើតឡើងច្រើនដងហើយ ជនជាតិចិនធ្វើដំណើរដោយថ្មើរជើងពេលយប់ជ្រៅ ត្រូវបានវាយឆ្មក់ជាញឹកញាប់ដោយមិនដឹងមូលហេតុ។