អគារថ្មីនៃសាលា Alliance Française ត្រូវបានដាក់សម្ពោធជាផ្លូវការ សម្រាប់សហគមន៍ប្រើប្រាស់ភាសាបារាំងនៅខេត្តសៀមរាប

សៀមរាប៖ អគារថ្មីនៃសាលា Alliance Française ត្រូវបានដាក់សម្ពោធជាផ្លូវការ ប្រចាំខេត្តសៀមរាប កាលពីថ្ងៃទី២៤ ខែកក្កដា ឆ្នាំ២០២៦ កន្លងទៅនេះ ដែលអគារថ្មីនេះនឹងជួយពង្រឹងសមត្ថភាពទទួលសិស្សរបស់គ្រឹះស្ថាន ដោយបន្ថែមបន្ទប់រៀនថ្មីចំនួនប្រាំ។ នេះជាជំហានថ្មីមួយសម្រាប់សហគមន៍ប្រើប្រាស់ភាសាបារាំងនៅខេត្តសៀមរាប។

សូមជម្រាបថា​ ការសង់អគារបន្ថែមនេះអាចលេចចេញជារូបរាងឡើងបាន គឺដោយសារការឧបត្ថម្ភដ៏ថ្លៃថ្លាពីសំណាក់ សម្តេច ហ៊ុន សែន ប្រធានព្រឹទ្ធសភាកម្ពុជា។ អគារថ្មីនេះបានឆ្លុះបញ្ចាំងពីភាពរស់រវើកនៃទំនាក់ទំនងរវាងកម្ពុជា និងអ្នកប្រើប្រាស់ភាសាបារាំង ព្រមទាំងការផ្តល់សារៈសំខាន់លើស្រទាប់យុវជន ការអប់រំ និងការផ្លាស់ប្តូរវប្បធម៌។